Advertisement
ಅಖೀಲ್‌ಗೆ ಇದು ಮೊದಲ ಶೂಟಿಂಗ್‌ ವಿಶ್ವಕಪ್ ಆಗಿತ್ತು. ಇದಕ್ಕೂ ಮುನ್ನ ಈ ಕೂಟದಲ್ಲಿ ಶಜರ್‌ ರಿಜ್ವಿ, ಮನು ಭಾಕರ್‌, ಮೆಹುಲಿ ಘೋಷ್‌ ಮತ್ತು ಅಂಜುಮ್‌ ಮೌದ್ಗಿಲ್‌ಗೆ ಕೂಡ ಪಾದಾರ್ಪಣೆಯ ವಿಶ್ವಕಪ್ ಆಗಿದ್ದು, ಪದಕ ಗೆದ್ದಿದ್ದಾರೆ.ಭಾನುವಾರ ನಡೆದ ಶೂಟಿಂಗ್‌ನಲ್ಲಿ ಅಖೀಲ್‌ ಒಟ್ಟು 455.6 ಅಂಕ ಸಂಪಾದಿಸಿ ಚಿನ್ನಗೆದ್ದಿದ್ದಾರೆ. ಭಾರತದ ಮತ್ತೂಬ್ಬ ಶೂಟರ್‌ ಸಂಜೀವ್‌ ರಜಪೂತ್‌ 4ನೇ ಸ್ಥಾನಕ್ಕೆ ತೃಪ್ತರಾದರು. ಅರ್ಹತಾ ಸುತ್ತಿನಲ್ಲಿ ಅನುಭವಿ ಶೂಟರ್‌ ರಜಪೂತ್‌ 40 ಯತ್ನದಲ್ಲಿ 1200 ಅಂಕಕ್ಕೆ 1176 ಅಂಕ ಸಂಪಾದಿಸಿ ಮೊದಲಿಗರಾಗಿ ಫೈನಲ್‌ ಪ್ರವೇಶಿಸಿದ್ದರು. ಆದರೆ, ಅಖೀಲ್‌ 1174 ಅಂಕ ಸಂಪಾದಿಸಿ 4ನೇಯವರಾಗಿ ಫೈನಲ್‌ ಪ್ರವೇಶಿಸಿದ್ದರು. ಫೈನಲ್‌ನಲ್ಲಿ ಅಖೀಲ್‌ ಅದ್ಭುತ ಪ್ರದರ್ಶನ ನೀಡಿದರೆ, ರಜಪೂತ್‌ ಎಡವಿದರು. ಮಹಿಳೆಯರ 25 ಮೀ. ಪಿಸ್ತೂಲ್‌ ವಿಭಾಗದಲ್ಲಿ ಮನು ಭಾಕರ್‌ 4ನೇ ಸ್ಥಾನಕ್ಕೆ ತೃಪ್ತರಾಗಿದ್ದಾರೆ. ಈ ಮೂಲಕ ಕೂಟದಲ್ಲಿ ಭಾರತ 4 ಚಿನ್ನ ಸೇರಿದಂತೆ ಒಟ್ಟು 9 ಪದಕ ಗೆದ್ದು, ಪದಕ ಪಟ್ಟಿಯಲ್ಲಿ ಅಗ್ರ ಸ್ಥಾನದಲ್ಲಿದೆ.