Advertisement
ಒಂದಕ್ಕೊಂದು ಸಂಬಂಧವೇ ಇಲ್ಲ…ಒಂದು ಕಿವಿಗೆ ಹೂವಿನ ಆಕಾರದ ಬುಗುಡಿ, ಇನ್ನೊಂದು ಕಿವಿಗೆ ಎಲೆ ಆಕಾರದ ಓಲೆ. ಒಂದು ಕಿವಿಗೆ ಚಿಪ್ಪು, ಇನ್ನೊಂದು ಕಿವಿಗೆ ಮುತ್ತು. ಒಂದು ಕಿವಿಗೆ ತ್ರಿಕೋನ ಆಕಾರದ ಓಲೆ, ಇನ್ನೊಂದು ಕಿವಿಗೆ ವೃತ್ತಾಕಾರದ ಓಲೆ. ಒಂದು ಕಿವಿಗೆ ಹಕ್ಕಿಯ ಕಾಲಿನ ಆಕೃತಿಯ ಬುಗುಡಿ, ಇನ್ನೊಂದು ಕಿವಿಗೆ ಹಕ್ಕಿಯ ರೆಕ್ಕೆಯ ಗರಿ ಆಕಾರದ ಬುಗುಡಿ. ಒಂದು ಕಿವಿಗೆ ಶಂಖ, ಇನ್ನೊಂದು ಕಿವಿಗೆ ಕವಡೆ…. ಈ ರೀತಿ ಬಹಳಷ್ಟು ಪ್ರಯೋಗಗಳನ್ನು ತಾರೆಯರು ಮಾಡುತ್ತಾ ಬಂದಿದ್ದಾರೆ. ಹಾಗಾಗಿ ಮಿಸ್‌ಮ್ಯಾಚ್‌ ಕಿವಿಯೋಲೆಗಳು ಫ್ಯಾಷನ್‌ ಪ್ರಪಂಚದಲ್ಲಿ ಹೊಸ ಅಲೆ ಸೃಷ್ಟಿಸಿವೆ.
ಇಂಥ ಕಿವಿಯೋಲೆಗಳು, ಚೈನೀಸ್‌ ಕಾಲರ್‌, ಕೋಲ್ಡ್‌ ಶೋಲ್ಡರ್‌, ಬೋಟ್‌ ನೆಕ್‌ ಅಥವಾ ಸ್ಲಿàವ್‌ಲೆಸ್‌, ಪಾಶ್ಚಾತ್ಯ ಹೀಗೆ ಎಲ್ಲ ಉಡುಗೆಗಳಿಗೂ ಚೆನ್ನಾಗಿ ಒಪ್ಪುತ್ತವೆ. ಪ್ರಯೋಗ ಮಾಡಲು ಧೈರ್ಯ ಇದ್ದವರು ಲಂಗ ದಾವಣಿ, ಉದ್ದ ಲಂಗ, ಚೂಡಿದಾರ, ಸಲ್ವಾರ್‌ ಕಮೀಜ್‌, ಸೀರೆ-ರವಿಕೆ, ಕುರ್ತಿಯಂಥ ಸಾಂಪ್ರದಾಯಿಕ ಉಡುಗೆಗಳ ಜೊತೆಯೂ ಇವುಗಳನ್ನು ತೊಟ್ಟು ನೋಡಬಹುದು. ಕೆಂಪು, ಪಚ್ಚೆ, ಹಳದಿ ಅಥವಾ ನೀಲಿ ಬಣ್ಣದ ಕಲ್ಲುಗಳನ್ನೂ ಇಂಥ ಕಿವಿಯೋಲೆಗಳಲ್ಲಿ ಬಳಸುತ್ತಾರೆ.
Related Articles
ಆಕ್ಸಿಡೀಕೃತ ಜರ್ಮನ್‌ ಬೆಳ್ಳಿ, ಮುತ್ತು, ರತ್ನ, ಬಣ್ಣಬಣ್ಣದ ಗಾಜಿನ ತುಂಡು, ಪ್ಲಾಸ್ಟಿಕ್‌ ಆಕೃತಿಗಳನ್ನೂ ಆರ್ಟಿಫಿಷಿಯಲ… (ಕೃತಕ) ಆಭರಣಗಳಲ್ಲಿ ಬಳಸುತ್ತಾರೆ. ಚಿನ್ನ, ಬೆಳ್ಳಿ ಪ್ಲಾಟಿನಂ, ವೈಟ್‌ಮೆಟಲ…, ತಾಮ್ರ ಅಥವಾ ಕಂಚಿಗೆ ಹೋಲುವ ಲೋಹದಿಂದ ಇಂಥ ಕಿವಿಯೋಲೆಗಳನ್ನು ತಯಾರಿಸುತ್ತಾರೆ. ಕೃತಕ ಆಭರಣಗಳಲ್ಲಿ ಪ್ಲಾಸ್ಟಿಕ್‌, ಕಾರ್ಡ್‌ಬೋರ್ಡ್‌, ಮರದ ತುಂಡು, ಗಾಜಿನ ಚೂರು ಅಥವಾ ಮಣ್ಣಿನಿಂದ ತಯಾರಿಸಿ ಅವುಗಳ ಮೇಲೆ ಲೋಹದಂತೆ ಕಾಣುವ ಬಣ್ಣ ಬಳಿಯುತ್ತಾರೆ.
Advertisement
ಮನೆಯಲ್ಲೇ ತಯಾರಿಸಿಬಣ್ಣದ ದಾರ, ಗೆಜ್ಜೆ, ಬಳೆಯ ಚೂರುಗಳಿಂದಲೂ ಕಿವಿಯೋಲೆಗಳನ್ನು ನಾವೇ ಸ್ವತಃ ತಯಾರಿಸಬಹುದು. ಇದಕ್ಕೆ ಸಂಬಂಧಿಸಿದ ಅದೆಷ್ಟೋ ವಿಡಿಯೋಗಳು ಯುಟ್ಯೂಬ್‌ನಲ್ಲಿ ಲಭ್ಯ ಇವೆ. ನಿಮ್ಮ ಬಳಿ ಇಂಥ ಕಿವಿಯೋಲೆಗಳು ಇದ್ದರೆ ಮತ್ತು ಇವುಗಳ ಬಣ್ಣದಿಂದ ನೀವು ಬೋರ್‌ ಆಗಿದ್ದರೆ, ನೈಲ್ ಪಾಲಿಶ್‌ ಬಳಸಿ ಅದಕ್ಕೆ ಹೊಸ ಮೆರುಗು ನೀಡಬಹುದು! ನೈಲ್ ಪಾಲಿಶ್‌ ರಿಮೂವರ್‌ ಬಳಸಿ ಹಳೆಯ ಬಣ್ಣವನ್ನು ಒರೆಸಿ ತೆಗೆದು, ಬೇರೆ ಬಣ್ಣ ಹಚ್ಚಿ, ಮತ್ತೆ ಆ ಕಿವಿಯೋಲೆಗಳಿಗೆ ಇನ್ನೊಂದು ಹೊಸ ಲುಕ್‌ ನೀಡಲೂಬಹುದು. ಆದರೆ, ಈ ಕಿವಿಯೋಲೆಗಳ ನೈಜ ಬಣ್ಣಕ್ಕೆ ಯಾವುದೇ ಹಾನಿಯಾಗದಂತೆ ಎಚ್ಚರದಿಂದ ನೋಡಿಕೊಳ್ಳಬೇಕಾಗುತ್ತದೆ. ಅದಿತಿಮಾನಸ ಟಿ.ಎಸ್‌.