ISS entry; ನರ್ತಿಸುತ್ತಾ ಬಾಹ್ಯಾಕಾಶ ನಿಲ್ದಾಣ ಪ್ರವೇಶಿಸಿದ ಸುನೀತಾ ವಿಲಿಯಮ್ಸ್‌

ಹ್ಯೂಸ್ಟನ್‌: ಖಾಸಗಿ ಬಾಹ್ಯಾಕಾಶ ನೌಕೆ ಬೋಯಿಂಗ್‌ ಸ್ಟಾರ್‌ಲೈನರ್‌ನಲ್ಲಿ ಗಗನಕ್ಕೇರಿದ ಭಾರತೀಯ ಮೂಲದ ಗಗನಯಾತ್ರಿ ಸುನೀತಾ ವಿಲಿಯಮ್ಸ್‌ ಮತ್ತು ಬುಚ್‌ ವಿಲ್ಮೋರ್‌, ಯಶಸ್ವಿಯಾಗಿ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣ ಪ್ರವೇಶಿಸಿದ್ದಾರೆ. ಹಲವು ಅಡೆತಡೆ ದಾಟಿ, ಖಾಸಗಿ ನೌಕೆಯಲ್ಲಿ ಐಎಸ್‌ಎಸ್‌ ಪ್ರವೇಶಿಸಿದ ಮೊದಲ ಜೋಡಿ ಇದು. ಈ ಹಿಂದೆ 2 ಬಾರಿ ಯಶಸ್ವಿಯಾಗಿ ಐಎಸ್‌ಎಸ್‌ ಪ್ರವೇಶಿಸಿದ್ದ ಸುನೀತಾ, ಈಗ ಮತ್ತೆ ಆ ಸಾಧನೆ ಪುನರಾವರ್ತಿಸಿದ ಸಂತೋಷದಲ್ಲಿ ನೃತ್ಯ ಮಾಡಿದ್ದಾರೆ. ನಿಲ್ದಾಣದಲ್ಲಿದ್ದ ಇತರ 7 ಯಾತ್ರಿಗಳನ್ನು ತಬ್ಬಿಕೊಂಡು ಸಂತೋಷ ವ್ಯಕ್ತಪಡಿಸಿದ್ದಾರೆ. ನೃತ್ಯ ಮಾಡುತ್ತಾ ಪ್ರವೇಶಿಸಿದ ವೀಡಿಯೋ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ.