ಇಸ್ರೋದ “ಗಗನ್‌ಯಾನ್‌’ಸಿದ್ದತೆಗೆ ವೈದ್ಯರ ಸಲಹೆ

ಹೊಸದಿಲ್ಲಿ: ಇಸ್ರೋದ ಗಗನ್‌ಯಾನಕ್ಕಾಗಿ ಸಿದ್ಧಪಡಿಸಲಾಗುತ್ತಿರುವ ಬಾಹ್ಯಾಕಾಶ ನೌಕೆಯನ್ನು ವೈದ್ಯರ ಸಹಾಯದಿಂದ ಸಿದ್ಧಪಡಿಸಲು ತೀರ್ಮಾನಿಸಲಾಗಿದೆ.

ಬಾಹ್ಯಾಕಾಶದಲ್ಲಿ ಸಂಚರಿಸುವಾಗ ಅಲ್ಲಿನ ವಾತಾವರಣವು ಮನುಷ್ಯರ ದೇಹದ ಮೇಲೆ ಯಾವ ರೀತಿಯ ಕೆಲಸ ಮಾಡಬಲ್ಲುದು ಎಂಬುದನ್ನು ಅರಿತು, ಆ ಕುರಿತಂತೆ ವೈದ್ಯರು ನೀಡುವ ಸಲಹೆಗಳಿಗೆ ಅನುಸಾರವಾಗಿ ಬಾಹ್ಯಾಕಾಶ ನೌಕೆಯನ್ನು ನಿರ್ಮಿಸಲು ತೀರ್ಮಾನಿಸಲಾಗಿದೆ.

ಈಗಾಗಲೇ ಈ ಯೋಜನೆಗೆ ವೈದ್ಯರನ್ನು ಸೇರ್ಪಡೆಗೊಳಿಸಲಾಗಿದೆ ಎಂದು ಇಸ್ರೋ ತಿಳಿಸಿದೆ. ಈ ವೈದ್ಯರು, ಬಾಹ್ಯಾಕಾಶ ನೌಕೆಯ ನಿರ್ಮಾಣದಲ್ಲೂ ಸಹಾಯ ಮಾಡಲಿದ್ದು, ಅಲ್ಲಿ ಯಾವ ಸೌಕರ್ಯಗಳನ್ನು ಕಲ್ಪಿಸಬೇಕೆಂದು ಸಲಹೆ ನೀಡುತ್ತಿದ್ದಾರೆಂದು ಸಂಸ್ಥೆಯ ಅಧ್ಯಕ್ಷ ಎಸ್‌. ಸೋಮನಾಥ್‌ ತಿಳಿಸಿದ್ದಾರೆ.