ಚಂದ್ರಯಾನ, ಗಗನಯಾನ: ಇಸ್ರೋದ ಮಹತ್ವದ ಪ್ಲಾನ್‌: ವಿ.ನಾರಾಯಣನ್‌

ತಿರುವನಂತಪುರ: ಚಂದ್ರಯಾನ-4 ಮತ್ತು ಗಗನಯಾನ ಸದ್ಯಕ್ಕೆ ಇಸ್ರೋ ಮುಂದಿರುವ ಮಹತ್ವದ ಯೋಜನೆಗಳು ಎಂದು ಇಸ್ರೋದ ನಿಯೋಜಿತ ಮುಖ್ಯಸ್ಥ, ಖ್ಯಾತ ರಾಕೆಟ್‌ ವಿಜ್ಞಾನಿ ವಿ.ನಾರಾಯಣನ್‌ ಹೇಳಿದ್ದಾರೆ.

ಇಸ್ರೋ ಮುಖ್ಯಸ್ಥರಾಗಿ ಆಯ್ಕೆಯಾಗಿರುವುದಕ್ಕೆ ಸಂತಸ ವ್ಯಕ್ತಪಡಿಸಿರುವ ಅವರು, “ಇಸ್ರೋ ಒಂದು ಖ್ಯಾತ ಸಂಸ್ಥೆಯಾಗಿದೆ. ಸಾಕಷ್ಟು ಗಣ್ಯ ವ್ಯಕ್ತಿಗಳು ಇಲ್ಲಿ ಕಾರ್ಯನಿರ್ವಹಿಸಿದ್ದಾರೆ. ನಾನು ಇದರ ಭಾಗವಾಗಿರುವುದು, ನನ್ನ ಅದೃಷ್ಟ ಎಂದೇ ಭಾವಿಸುತ್ತೇನೆ. ಆಯ್ಕೆಯಾಗಿದ್ದರ ಬಗ್ಗೆ ಪ್ರಧಾನಮಂತ್ರಿ ಕಚೇರಿಯಿಂದಲೇ ನನಗೆ ಫೋನ್‌ ಬಂದಿತ್ತು’ ಎಂದು ಅವರು ಹೇಳಿದರು.

ಇಸ್ರೋ ಯೋಜಿಸಿರುವ ಚಂದ್ರಯಾನ-4 ಮತ್ತು ಗಗನಯಾನ ಯೋಜನೆಗಳು ನಮ್ಮ ಮುಂದಿರುವ ಪ್ರಮುಖ ಯೋಜನೆಗಳಾಗಿವೆ. ಇದಲ್ಲದೆ ಬಾಹ್ಯಾಕಾಶ ಡಾಕಿಂಗ್‌, ಎನ್‌ವಿಎಸ್‌-2 ಯೋಜನೆಗಳು ಸಹ ಇಸ್ರೋ ಮುಂದಿವೆ. ಚಂದ್ರನ ದಕ್ಷಿಣ ಧ್ರುವದಲ್ಲಿ ಇಳಿಯುವ ಮೊದಲ ದೇಶ ಭಾರತವಾಗಲಿದೆ ಎಂದು ಯಾರೂ ಭಾವಿಸಿರಲಿಲ್ಲ. ಈಗ ಅದೇ ಪ್ರದೇಶದಲ್ಲಿ ಚಂದ್ರಯಾನ-4 ನೌಕೆ ಇಳಿಯಲಿದ್ದು, ಮಾದರಿ ಸಂಗ್ರಹಿಸಿ ಭೂಮಿಗೆ ಮರಳಲಿದೆ ಎಂದು ಅವರು ಹೇಳಿದರು.