Israel: ಇಸ್ರೇಲ್‌ಗೆ ಶೀಘ್ರವೇ 7 ಮುಸ್ಲಿಂ ರಾಷ್ಟ್ರಗಳ ಅಂಗೀಕಾರ

ಜೆರುಸಲೇಂ: ಸದ್ಯದಲ್ಲೇ ಇಸ್ರೇಲ್‌ ಅನ್ನು ಅಧಿಕೃತ ರಾಷ್ಟ್ರವೆಂದು ಯುಎಇ, ಬಾಂಗ್ಲಾದೇಶ ಸೇರಿದಂತೆ ಆರರಿಂದ ಏಳು ಮುಸ್ಲಿಂ ದೇಶಗಳು ಅಂಗೀಕರಿಸಲಿವೆ. ಈ ಬಗ್ಗೆ ಆ ದೇಶದ ವಿದೇಶಾಂಗ ಸಚಿವ ಎಲಿ ಕೊಹೆನ್‌ ಅವರೇ ಸುಳಿವು ನೀಡಿದ್ದಾರೆ.

ಸೌದಿ ಅರೇಬಿಯಾ, ಬಾಂಗ್ಲಾದೇಶ, ಸುಡಾನ್‌, ಸೋಮಾಲಿಯಾ, ಮೊರಾಕ್ಕೋ, ಬಹ್ರೈನ್‌, ಯುಎಇಗಳು ಶೀಘ್ರದಲ್ಲಿಯೇ ಇಸ್ರೇಲ್‌ಗೆ ಮಾನ್ಯತೆ ನೀಡಲಿವೆ. “ಅಬ್ರಾಹಾಂ ಒಪ್ಪಂದ’ದ ಅನ್ವಯ ಈ ರಾಷ್ಟ್ರಗಳು ಮಾನ್ಯತೆ ನೀಡಲಿವೆ. ಈಗಾಗಲೇ ನಾಲ್ಕು ಅರಬ್‌ ರಾಷ್ಟ್ರಗಳು ಇಸ್ರೇಲ್‌ಗೆ ಮಾನ್ಯತೆ ನೀಡಿವೆ. ಹತ್ತು ಅರಬ್‌ ಹೊರತಾಗಿರುವ ರಾಷ್ಟ್ರಗಳ ಪೈಕಿ ಕೆಲವು ಮಾತ್ರ ಅದನ್ನು ಅಂಗೀಕರಿಸಿವೆ. 1948 ಮೇ 14ರಂದು ಸ್ಥಾಪನೆಗೊಂಡ ಇಸ್ರೇಲ್‌ಗೆ ಜಗತ್ತಿನಲ್ಲಿ ಮೊದಲ ಹಂತದಲ್ಲಿ ಮಾನ್ಯತೆ ನೀಡಿದ ದೇಶಗಳ ಪೈಕಿ ಭಾರತವೂ ಒಂದು.