Advertisement
5 ಬಾರಿಯ ಚಾಂಪಿಯನ್‌ ಆಸ್ಟ್ರೇ ಲಿಯ ಅತ್ಯಂತ ನೀರಸವಾಗಿ ಈ ಕೂಟವನ್ನು ಆರಂಭಿಸಿತ್ತು. ಭಾರತ ಮತ್ತು ದಕ್ಷಿಣ ಆಫ್ರಿಕಾ ವಿರುದ್ಧ ಸೋತು ಎಲ್ಲ ದಿಕ್ಕುಗಳಿಂದಲೂ ಟೀಕೆಗೆ ಒಳಗಾಗಿತ್ತು. ಆದರೆ ಅನಂತರ ಪುನರ್‌ ಸಂಘಟಿತಗೊಂಡು ಹಳಿ ಏರುವಲ್ಲಿ ಯಶಸ್ವಿಯಾಗಿದೆ. ಶ್ರೀಲಂಕಾ ಮತ್ತು ಪಾಕಿಸ್ಥಾನವನ್ನು ಉರುಳಿಸಿ 4ನೇ ಸ್ಥಾನಕ್ಕೆ ನೆಗೆದಿದೆ. ಇದೇ ಲಯದಲ್ಲಿ ಸಾಗಿ ದರೆ ನೆದರ್ಲೆಂಡ್ಸ್‌ ವಿರುದ್ಧ ಮೇಲುಗೈ ಸಾಧಿಸುವುದು ಅಸಾಧ್ಯವೇನಲ್ಲ ಎಂಬುದು ಈಗಿನ ಲೆಕ್ಕಾಚಾರ.
ಮಾರ್ಷ್‌ ಈ ಪಂದ್ಯಾವಳಿಯಲ್ಲಿ 351 ರನ್‌ ಪೇರಿಸಿದ್ದಾರೆ. ಇನ್ನು ಮೂರೇ ದಿನಗಳಲ್ಲಿ 37ಕ್ಕೆ ಕಾಲಿಡಲಿರುವ ಡೇವಿಡ್‌ ವಾರ್ನರ್‌ ಕ್ರಿಕೆಟ್‌ ಜೀವ ನದ ಆರಂಭಿಕ ದಿನದ ಫಾರ್ಮ್ ನಲ್ಲಿದ್ದಾರೆ. ಆರಂಭಕಾರ ಟ್ರ್ಯಾವಿಸ್‌ ಹೆಡ್‌ ಈ ಪಂದ್ಯಕ್ಕೆ ಮರಳುವ ಸಾಧ್ಯತೆ ಇರುವುದರಿಂದ ಮಾರ್ಷ್‌ ಮತ್ತೆ 3ನೇ ಕ್ರಮಾಂಕಕ್ಕೆ ಇಳಿಯಬೇಕಾಗುತ್ತದೆ. ಮಧ್ಯಮ ಕ್ರಮಾಂಕದಲ್ಲಿ ಸ್ಮಿತ್‌, ಲಬುಶೇನ್‌ ಇನ್ನೂ ಸಿಡಿಯದ ಕಾರಣ ಇಲ್ಲಿ ಮಾರ್ಷ್‌ ಆಧಾರವಾಗಬೇಕಿದೆ. ಹಾಗೆಯೇ ಮ್ಯಾಕ್ಸ್‌ವೆಲ್‌, ಸ್ಟೋಯಿನಿಸ್‌ ಅವರಿಂದ ನೈಜ ಸಾಮರ್ಥ್ಯವಿನ್ನೂ ಹೊರಹೊಮ್ಮಿಲ್ಲ.
Related Articles
Advertisement
ಆರಂಭ: ಅ. 2.00 ಪ್ರಸಾರ: ಸ್ಟಾರ್‌ ಸ್ಪೋರ್ಟ್ಸ್ ವಿಶ್ವಕಪ್ ಮುಖಾಮುಖಿ
ಪಂದ್ಯ: 02
ಆಸ್ಟ್ರೇಲಿಯ ಜಯ: 02
ನೆದರ್ಲೆಂಡ್ಸ್‌ ಜಯ: 00
2007ರ ವಿಶ್ವಕಪ್ ಫ‌ಲಿತಾಂಶ-ಆಸ್ಟ್ರೇಲಿಯಕ್ಕೆ 229 ರನ್‌ ಜಯ