ಸತತ 2ನೇ ಬಾರಿ ಸುಶೀಲ್‌ ಒಲಿಂಪಿಕ್ಸ್‌ನಿಂದ ಹೊರಕ್ಕೆ?

ಹೊಸದಿಲ್ಲಿ: ಗಾಯದ ಕಾರಣದಿಂದ ಕುಸ್ತಿಪಟು ಸುಶೀಲ್‌ ಕುಮಾರ್‌ ಒಲಿಂಪಿಕ್ಸ್‌ ಅರ್ಹತಾ ಸ್ಪರ್ಧೆಯಲ್ಲಿ ಪಾಲ್ಗೊಳ್ಳುವ ಅವಕಾಶವನ್ನು ತಪ್ಪಿಸಿಕೊಂಡಿದ್ದಾರೆ.

ಇದೇ ವೇಳೆ, ತಾನು ಗಾಯಗೊಂಡಿರುವುದರಿಂದ, 74 ಕೆಜಿ ವಿಭಾಗದ ಅರ್ಹತಾ ಪಂದ್ಯವನ್ನು ಮುಂದೂಡಿ ಎಂಬ ಸುಶೀಲ್‌ ಮನವಿಯನ್ನು ಭಾರತೀಯ ಕುಸ್ತಿ ಒಕ್ಕೂಟ (ಡಬ್ಲೂéಎಫ್ಐ) ತಳ್ಳಿಹಾಕಿದೆ. ಹೀಗಾಗಿ ಅವರು ಸತತ 2ನೇ ಸಲ ಪ್ರತಿಷ್ಠಿತ ಒಲಿಂಪಿಕ್ಸ್‌ ಪಂದ್ಯಾವಳಿಯನ್ನು ತಪ್ಪಿಸಿಕೊಳ್ಳುವ ಸಾಧ್ಯತೆ ಇದೆ.

ಒಲಿಂಪಿಕ್ಸ್‌ನಲ್ಲಿ ಅರ್ಹತೆ ಪಡೆಯುವ ಸಲುವಾಗಿ ಸುಶೀಲ್‌ ರಶ್ಯ ತರಬೇತುದಾರ ಕಮಲ್‌ ಮಲಿಕೋವ್‌ ಮಾರ್ಗದರ್ಶನದಲ್ಲಿ ಸತತವಾಗಿ ಅಭ್ಯಾಸ ನಡೆಸಿದ್ದಾರೆ. ಆದರೆ ಇದೇ ವೇಳೆ ಅವರ ಕೈಗೆ ಗಾಯವಾಗಿದೆ. ಆದ್ದರಿಂದ ಶುಕ್ರವಾರದ ಅರ್ಹತಾ ಸುತ್ತಿನಲ್ಲಿ ಪಾಲ್ಗೊಳ್ಳಲು ಅವರಿಗೆ ಆಗುತ್ತಿಲ್ಲ.