Advertisement
ಪ್ರಕರಣ ಸಂಬಂಧ ಭುವನೇಶ್ವರದಿಂದ ಘುಲಾಂ ಮುಸ್ತಫಾ (28) ಎಂಬಾತನನ್ನು ಬಂಧಿಸಲಾಗಿದೆ. ಸಾಫ್ಟ್ವೇರ್‌ ಡೆವಲಪರ್‌ ಆದ ಈತ ಮೊದಲು ಬೆಂಗಳೂರಿನಲ್ಲಿ ಟಿಕೆಟ್‌ ದಲ್ಲಾಳಿಯಾಗಿದ್ದ. ಈತನ ಬಳಿ ಐಆರ್‌ಸಿಟಿಸಿಯ 563 ಐಡಿಗಳು, 2,400 ಎಸ್‌ಬಿಐ ಶಾಖೆಗಳ ಪಟ್ಟಿ, 600 ಪ್ರಾದೇಶಿಕ ಗ್ರಾಮೀಣ ಬ್ಯಾಂಕ್‌ಗಳ ವಿವರಗಳು ಇದ್ದವು.
ಮುಸ್ತಫಾನ ಲ್ಯಾಪ್‌ಟಾಪ್‌ ಅನ್ನು ತಪಾಸಣೆಗೆ ಒಳಪಡಿಸಿದಾಗ, ಅದರಲ್ಲಿ ಡಾರ್ಕ್‌ನೆಟ್‌, ಲೈನಕ್ಸ್‌ ಆಧರಿತ ಹ್ಯಾಕಿಂಗ್‌ ಸಿಸ್ಟಂಗಳನ್ನು ಪಡೆಯುವಂಥ ಸಾಫ್ಟ್ವೇರ್‌, ನಕಲಿ ಆಧಾರ್‌ ಕಾರ್ಡ್‌ ಸಿದ್ಧಪಡಿ ಸುವ ಆ್ಯಪ್‌ ಸಿಕ್ಕಿದೆ. ಆತ ಪಾಕ್‌ ಮೂಲದ ಧಾರ್ಮಿಕ ಸಂಘಟನೆಯೊಂದರ ಅನುಯಾಯಿ ಎನ್ನಲಾಗಿದೆ. ಅವನ ಫೋನ್‌ನಲ್ಲಿ ಪಾಕ್‌, ಬಾಂಗ್ಲಾ, ಮಧ್ಯಪ್ರಾಚ್ಯ, ಇಂಡೋನೇಷ್ಯಾ, ನೇಪಾಲಿ ಸಂಖ್ಯೆಗಳಿವೆ.