ಅನುಷಾಗೆ “ಐರಿಸ್‌ -2018 ಗ್ರ್ಯಾಂಡ್  ಅವಾರ್ಡ್‌’

ಪುತ್ತೂರು: ಸಂತ ಫಿಲೋಮಿನಾ ಪ್ರೌಢ ಶಾಲೆಯ 9ನೇ ತರಗತಿ ವಿದ್ಯಾರ್ಥಿನಿ ಅನುಷಾ ಎನ್‌.ಡಿ. ಹೊಸದಿಲ್ಲಿಯಲ್ಲಿ ನಡೆದ ಐರಿಸ್‌ -2018 ಸ್ಪರ್ಧೆಯಲ್ಲಿ ಭಾಗವಹಿಸಿ ಗ್ರ್ಯಾಂಡ್ ಅವಾರ್ಡ್‌ ಪಡೆದು ಅಮೆರಿಕದಲ್ಲಿ ನಡೆಯುವ ಅಂತಾರಾಷ್ಟ್ರೀಯ ಮಟ್ಟದ ವಿಜ್ಞಾನ ಸಮಾವೇಶ ಐಸೆಫ್‌ -2019ರಲ್ಲಿ ಭಾಗವಹಿಸಲು ಆಯ್ಕೆಯಾಗಿದ್ದಾರೆ.

ಇದರೊಂದಿಗೆ ಎಎಸ್‌ಎಂ ಮೆಟೀರಿಯಲ್‌ ಎಜುಕೇಶನ್‌ ಫೌಂಡೇಶನ್‌ ಕೊಡಮಾಡುವ “ಮೋಸ್ಟ್‌ ಔಟ್‌ಸ್ಟಾಂಡಿಂಗ್‌ ಎಕ್ಸಿಬಿಟ್‌ ಇನ್‌ ಮ್ಯಾಥ್ಸ್ ‘ವಿಶೇಷ ಪುರಸ್ಕಾರವನ್ನು ಪಡೆದಿರುವ ಈಕೆ “ಬಯೋಡಿಗ್ರೇಡೆಬಲ್‌ ಇನ್ಸುಲೇಟರ್‌ ಫ್ರಮ್  ಅರೆಕಾ ಶೀತ್‌’ ಎಂಬ ವಿಜ್ಞಾನ ಯೋಜನೆ ಯನ್ನು ಶಾಲೆಯ ಗಣಿತ ಶಿಕ್ಷಕ ಕ್ಲೆಮೆಂಟ್‌ ಪಿಂಟೋ ಅವರ ಮಾರ್ಗದರ್ಶನದಲ್ಲಿ ತಯಾರಿಸಿ ಮಂಡಿಸಿದ್ದಾರೆ.

ಈಕೆ ಕುರಿಯ ಗ್ರಾಮದ ನೆಕ್ಕರೆ ನಿವಾಸಿ ಮಂಗಳೂರು ಶ್ರೀನಿವಾಸ ಎಂಜಿನಿಯರಿಂಗ್‌ ಕಾಲೇಜಿನ ಪ್ರೊಫೆಸರ್‌ ಡಾ| ಸೂರ್ಯ ನಾರಾಯಣ ಮತ್ತು ವಿದ್ಯಾಲಕ್ಷ್ಮಿ ದಂಪತಿಯ ಪುತ್ರಿ.