Hijab ಧರಿಸದೆ, ಕೇಶ ಕಟ್ಟದೇ ಬೀದಿಗಿಳಿದ ಇರಾನ್‌ ಮಹಿಳೆಯರು!

ಟೆಹರಾನ್‌: ಇರಾನ್‌ನಲ್ಲಿ ಹಿಜಾಬ್‌ ವಿರುದ್ಧದ ಬಹು ದೊಡ್ಡ ಪ್ರತಿಭಟನ ಅಭಿಯಾನಕ್ಕೆ ಕಾರಣ ರಾಗಿದ್ದ 22ರ ಹರೆಯದ ಮೆಹ್ಸಾ ಅಮೀನಿ 2ನೇ ವರ್ಷದ ಪುಣ್ಯಸ್ಮರಣೆಯ ಭಾಗವಾಗಿ ಇರಾನ್‌ನಲ್ಲಿ ಮತ್ತೆ ಮಹಿಳೆಯರು ಬೀದಿಗಿಳಿದಿದ್ದಾರೆ. ಟೆಹರಾನ್‌ನ ಪ್ರಮುಖ ಬೀದಿಗಳಲ್ಲಿ ಸೋಮವಾರ ಮಹಿಳೆಯರು ಹಿಜಾಬ್‌ ಧರಿಸದೇ, ಕೂದಲು ಕಟ್ಟದೇ “ಮಹಿಳೆ, ಜೀವನ ಮತ್ತು ಸ್ವಾತಂತ್ರ್ಯ’ ಎಂಬ ಘೋಷಣೆಗಳನ್ನು ಕೂಗುತ್ತಾ ಆಯತುಲ್ಲಾ ಅಲಿ ಖಮೆನೀ ನೇತೃತ್ವದ ಸರಕಾರ‌ಕ್ಕೆ ಸವಾಲೆಸೆದಿದ್ದಾರೆ.

ಅಲ್ಲದೆ ಜೈಲಿನಲ್ಲಿರುವ ಹಲವು ಮಹಿಳೆಯರು ಉಪ ವಾಸ ಸತ್ಯಾಗ್ರಹ ಕೈಗೊಂಡು ಈ ಪ್ರತಿಭಟನೆಗೆ ಬೆಂಬಲ ಸೂಚಿಸಿದ್ದಾರೆ. ಸಾಮಾಜಿಕ ಮಾಧ್ಯಮ ಗಳನ್ನೂ ಬಳಸಿ ಹಲವರು ಪ್ರತಿಭಟನೆ ನಡೆಸಿದ್ದಾರೆ.