Irani Cup:ಅಭಿಮನ್ಯು ಅಜೇಯ 151 ರನ್‌: 102 ಡಿಗ್ರಿ ಜ್ವರವಿದ್ದೂ ಶಾರ್ದೂಲ್‌ ಬ್ಯಾಟಿಂಗ್‌

ಲಕ್ನೋ: ಇಲ್ಲಿನ ಅಟಲ್‌ ಬಿಹಾರಿ ವಾಜಪೇಯಿ ಮೈದಾನದಲ್ಲಿ ನಡೆಯುತ್ತಿರುವ ಇರಾನ್‌ ಕಪ್‌ ಪಂದ್ಯದಲ್ಲಿ ಶೇಷ ಭಾರತ ಪರ ಅಭಿಮನ್ಯು ಈಶ್ವರನ್‌ ಶತಕ ಬಾರಿಸಿ ದಿಟ್ಟ ಹೋರಾಟ ನೀಡಿದ್ದಾರೆ. ಅಭಿಮನ್ಯು ಅವರ ಅಜೇಯ 151 ರನ್‌ನೊಂದಿಗೆ ಮುಂಬಯಿ ವಿರುದ್ಧ ಶೇಷ ಭಾರತ ತಂಡ 248 ರನ್‌ ಹಿನ್ನಡೆಯಲ್ಲಿದ್ದು, ಮೊದಲ ಇನ್ನಿಂಗ್ಸ್‌ನಲ್ಲಿ ಮುನ್ನಡೆ ಸಾಧಿಸುವ ನಿರೀಕ್ಷೆಯನ್ನು ಉಳಿಸಿಕೊಂಡಿದೆ.

ಗುರುವಾರದ 3ನೇ ದಿನದಾಟದ ಅಂತ್ಯಕ್ಕೆ ಶೇಷ ಭಾರತ ತಂಡ 74 ಓವರ್‌ಗಳಲ್ಲಿ 4 ವಿಕೆಟ್‌ ನಷ್ಟಕ್ಕೆ 289 ರನ್‌ ಬಾರಿಸಿತ್ತು. ಅಭಿಮನ್ಯು ಈಶ್ವರನ್‌ ಮತ್ತು ಧೃವ್‌ ಜುರೆಲ್‌ (30) ಕ್ರೀಸ್‌ನಲ್ಲಿ ಉಳಿದುಕೊಂಡಿದ್ದಾರೆ.

102 ಡಿಗ್ರಿ ಜ್ವರವಿದ್ದೂ ಶಾರ್ದೂಲ್‌ ಬ್ಯಾಟಿಂಗ್‌
102 ಡಿಗ್ರಿ ಜ್ವರವಿದ್ದರೂ ಇರಾನಿ ಕಪ್‌ನಲ್ಲಿ ಮುಂಬಯಿ ಪರ ಬ್ಯಾಟಿಂಗ್‌ ಮಾಡಿ ಶಾರ್ದೂಲ್‌ ಠಾಕೂರ್‌ ಕ್ರಿಕೆಟ್‌ ಪ್ರೇಮಿಗಳ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ಬುಧವಾರ ಠಾಕೂರ್‌ ಜ್ವರ ವಿದ್ದರೂ ಕೂಡ 36 ರನ್‌ ಕಾಣಿಕೆಯಿತ್ತರು. 9ನೇ ವಿಕೆಟಿಗೆ ಸಫ‌ìರಾಜ್‌ ಖಾನ್‌ಗೆ ಜತೆಯಾದ ಠಾಕೂರ್‌ 73 ರನ್‌ ಪೇರಿಸಿದ್ದರು.