IPL ಟೈಟಲ್‌ ಪ್ರಾಯೋಜಕತ್ವ: ಮುಂದಿನ 5 ವರ್ಷಕ್ಕೆ ಟಾಟಾ ಮುಂದುವರಿಕೆ

ಮುಂಬಯಿ:ಟಾಟಾ ಗ್ರೂಪ್‌ ತನ್ನ ಐಪಿಎಲ್‌ ಟೈಟಬಲ್‌ ಪ್ರಾಯೋಜಕತ್ವವನ್ನು 2500 ಕೋಟಿ ರೂ.ಗಳ ಬೃಹತ್‌ ಮೊತ್ತ ನೀಡಿ ಮುಂದಿನ ಐದು ವರ್ಷಗಳಿಗೆ ಮುಂದುವರಿಸಿದೆ. ಟೈಟಲ್‌ ಪ್ರಾಯೋಜಕತ್ವವು 2028ರವರೆಗೆ ಮುಂದುವರಿಯಲಿದೆ. ಈ ಮೊತ್ತವು ಲೀಗ್‌ನ ಇತಿಹಾಸದಲ್ಲಿಯೇ ಅತ್ಯಂತ ಗರಿಷ್ಠ ಪ್ರಾಯೋಜಕತ್ವ ಮೊತ್ತವಾಗಿದೆ ಎಂದು ಭಾತೀಯ ಕ್ರಿಕೆಟ್‌ ಮಂಡಳಿ ಪ್ರಕಟನೆ ತಿಳಿಸಿದೆ.

ಟಾಟಾ ಗ್ರೂಪ್‌ 2022 ಮತ್ತು 2023ರಲ್ಲಿಯೂ ಐಪಿಎಲ್‌ ಟೈಟಲ್‌ ಪ್ರಾಯೋಜಕತ್ವ ವಹಿಸಿತ್ತು. ಅದು ವನಿತಾ ಪ್ರೀಮಿಯರ್‌ ಲೀಗ್‌ನ ಪ್ರಾಯೋಜಕತ್ವವನ್ನು ವಹಿಸಿದೆ. “ಐಪಿಎಲ್‌ 2024-28ರ ಟೈಟಲ್‌ ಪ್ರಾಯೋಜಕತ್ವಕ್ಕಾಗಿ ಟಾಟಾ ಗ್ರೂಪ್‌ ನ ಸಹಯೋಗವು ಐಪಿಎಲ್‌ ಇತಿಹಾಸದಲ್ಲಿಯೇ ಅತ್ಯಂತ ಮಹತ್ವದ ಮೈಲಿಗಲ್ಲು’ ಎಂದು ಐಪಿಎಲ್‌ ಅಧ್ಯಕ್ಷ ಅರುಣ್‌ ಸಿಂಗ್‌ ಧುಮಾಲ್‌ ಹೇಳಿದ್ದಾರೆ.