ಇಂದು ಐಪಿಎಲ್‌ ಟಿ20 ವೇಳಾಪಟ್ಟಿ ಪ‹ಕಟ ಸಾಧ್ಯತೆ?

ನವದೆಹಲಿ: ಬಿಸಿಸಿಐ ಈಗಾಗಲೇ ಐಪಿಎಲ್‌ ಆರಂಭದ ದಿನಾಂಕವನ್ನು ಬಹಿರಂಗಗೊಳಿಸಿದ್ದರೂ, ಸಂಪೂರ್ಣ ವೇಳಾಪಟ್ಟಿಯನ್ನು ಪ್ರಕಟಿಸಿಲ್ಲ. ಚುನಾವಣೆ ದಿನಾಂಕ ಪ್ರಕಟಗೊಂಡ ಬಳಿಕ ಐಪಿಎಲ್‌ ವೇಳಾಪಟ್ಟಿಯನ್ನು ಪ್ರಕಟಿಸುವ ಯೋಜನೆಲ್ಲಿದ್ದ ಬಿಸಿಸಿಐ ಇನ್ನಷ್ಟು ದಿನ ಕಾಯದೇ ಸೋಮವಾರವೇ ವೇಳಾಪಟ್ಟಿ ಪ್ರಕಟಿಸುವ ನಿರ್ಧಾರಕ್ಕೆ ಬಂದಿದೆ ಎಂದು ವರದಿಯಾಗಿದೆ.

ಆದರೆ ಇದು ಅಧಿಕೃತಗೊಂಡಿಲ್ಲ. ಒಂದು ಮೂಲದ ಪ್ರಕಾರ ಬಿಸಿಸಿಐ ಸೋಮವಾರ ಸಂಪೂರ್ಣ ಐಪಿಎಲ್‌ನ ವೇಳಾಪಟ್ಟಿಯನ್ನು ಪ್ರಕಟಿಸಲಿದ್ದು, ಚುನಾವಣಾ ಆಯೋಗ ಚುನಾವಣೆ ದಿನಾಂಕ ನಿಗದಿಪಡಿಸಿದ ಬಳಿಕ ಇದಕ್ಕೆ ತಕ್ಕಂತೆ ಐಪಿಎಲ್‌ ವೇಳಾಪಟ್ಟಿ ಬದಲಾವಣೆ ಮಾಡಿಕೊಳ್ಳಲಿದೆ.