Advertisement
ಹೈದರಾಬಾದ್‌ಗೆ ಇದು ತವರಿನ ಪಂದ್ಯವೆಂಬುದೊಂದು ಲಾಭ. ಸಾಲದ್ದಕ್ಕೆ ಕಳೆದ ಪಂದ್ಯದಲ್ಲಿ ಕೆಕೆಆರ್‌ ವಿರುದ್ಧ 4ಕ್ಕೆ 228 ರನ್ ಪೇರಿಸಿದ ಹಿರಿಮೆಯೂ ಐಡನ್‌ ಮಾರ್ಕ್‌ರಮ್‌ ಪಾಲಿಗಿದೆ. ಇತ್ತ ಮುಂಬೈ ಪಾಳೆಯದ ಖುಷಿಯ ಸಂಗತಿಯೆಂದರೆ ಸೂರ್ಯಕುಮಾರ್‌ ಯಾದವ್‌ ಫಾರ್ಮ್ಗೆ ಮರಳಿದ್ದು. ಒಂದು ದಿನದ ಹಿಂದಷ್ಟೇ ಕೋಲ್ಕತಾ ವಿರುದ್ಧ 17.4 ಓವರ್‌ಗಳಲ್ಲೇ 186 ರನ್ ಬೆನ್ನಟ್ಟಿ ಗೆದ್ದ ವೇಳೆ ಸೂರ್ಯಕುಮಾರ್‌ 25 ಎಸೆತಗಳಿಂದ 43 ರನ್ ಬಾರಿಸಿದ್ದರು. ಉಸ್ತುವಾರಿ ನಾಯಕನಾಗಿಯೂ ಸೂರ್ಯ ಅವರದು ಯಶಸ್ವಿ ಸಾಧನೆ.
Related Articles
ಹ್ಯಾರಿ ಬ್ರೂಕ್‌ ಅವರ ಶತಕದ ಬಳಿಕ ಹೈದರಾಬಾದ್ ಬ್ಯಾಟಿಂಗ್‌ಗೆ ನೂತನ ಸ್ಪರ್ಶ ಲಭಿಸಿದೆ. ಬ್ರೂಕ್‌ ಕೆಕೆಆರ್‌ ವಿರುದ್ಧ ಮೊದಲು ಬ್ಯಾಟಿಂಗ್ ಮಾಡಿದ ವೇಳೆ ಅಜೇಯ 100 ರನ್ ಬಾರಿಸಿದ್ದರು. ಐಡನ್‌ ಮಾರ್ಕ್‌ರಮ್‌, ಅಭಿಷೇಕ್‌ ಶರ್ಮ ಕೂಡ ಬ್ಯಾಟಿಂಗ್‌ನಲ್ಲಿ ಮಿಂಚಿದ್ದರು. ಪರಿಣಾಮ, ಈ ಸೀಸನ್‌ನಲ್ಲೇ ಅತ್ಯಧಿಕ 228 ರನ್ ರಾಶಿ ಹಾಕಿದ ಹೆಗ್ಗಳಿಕೆ ಹೈದರಾಬಾದ್‌ನದ್ದಾಗಿತ್ತು.
Advertisement
ಇದಕ್ಕೂ ಹಿಂದಿನ ಪಂಜಾಬ್‌ ವಿರುದ್ಧದ ಪಂದ್ಯದಲ್ಲಿ ರಾಹುಲ್‌ ತ್ರಿಪಾಠಿ ಕೂಡ ಪ್ರಚಂಡ ಬ್ಯಾಟಿಂಗ್ ತೋರ್ಪಡಿಸಿದ್ದರು. ಆದರೆ ಮಾಯಾಂಕ್‌ ಅಗರ್ವಾಲ್‌ ಪ್ರಯತ್ನ ಸಾಲದು.
ಬೌಲಿಂಗ್‌ ವಿಭಾಗದಲ್ಲಿ ಸ್ಪಿನ್ನರ್‌ ಮಾಯಾಂಕ್‌ ಮಾರ್ಕಂಡೆ ಹೆಚ್ಚಿನ ಯಶಸ್ಸು ಸಾಧಿಸಿದ್ದಾರೆ (6 ವಿಕೆಟ್‌). ವೇಗಿಗಳಾದ ಭುವನೇಶ್ವರ್‌ ಕುಮಾರ್‌, ಮಾರ್ಕೊ ಜಾನ್ಸೆನ್‌, ಉಮ್ರಾನ್‌ ಮಲಿಕ್‌ ತವರಲ್ಲಿ ಎದುರಾಳಿಗೆ ಕಂಟಕವಾಗಿ ಪರಿಣಮಿಸಿಬೇಕಿದೆ. ಕಳೆದ ಪಂದ್ಯದಲ್ಲಿ ಹೈದರಾಬಾದ್ 228 ರನ್ ಪೇರಿಸಿದರೂ ಕೆಕೆಆರ್‌ 205ರ ತನಕ ಇನ್ನಿಂಗ್ಸ್‌ ಬೆಳೆಸಿದ್ದನ್ನು ಮರೆಯುವಂತಿಲ್ಲ.
ಈ ಪಂದ್ಯದಲ್ಲಿ ಒಂದು ವಿಶೇಷಕ್ಕೆ ಸಾಕ್ಷಿಯಾಗಬಹುದು. ಡುವಾನ್‌ ಜಾನ್ಸೆನ್‌-ಮಾರ್ಕೊ ಜಾನ್ಸೆನ್‌ ಕಾಣಿಸಿ ಕೊಂಡರೆ ಮೊದಲ ಸಲ ಅವಳಿ ಕ್ರಿಕೆಟಿಗರು ಐಪಿಎಲ್‌ ಪಂದ್ಯವೊಂದರಲ್ಲಿ ಆಡಿದಂತಾಗುತ್ತದೆ.