Advertisement

IPL 2024: ಯಾರಿಗೆ ಸಿಕ್ತು ಯಾವ ಅವಾರ್ಡ್?; ಕ್ಯಾಚ್ ಆಫ್ ದಿ ಸೀಸನ್ ವಿಡಿಯೋ ನೋಡಿ

11:41 AM May 27, 2024 | Team Udayavani |

ಚೆನ್ನೈ: 17ನೇ ಸೀಸನ್ ನ ಐಪಿಎಲ್ ಕೊನೆಯಾಗಿದೆ. ಶ್ರೇಯಸ್ ಅಯ್ಯರ್ ನಾಯಕತ್ವದ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡವು ಫೈನಲ್ ಪಂದ್ಯದಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ತಂಡವನ್ನು ಸೋಲಿಸಿ ಮೂರನೇ ಟ್ರೋಫಿ ಗೆದ್ದುಕೊಂಡಿತು.

Advertisement

ಈ ಗೆಲುವಿನೊಂದಿಗೆ, ಕೆಕೆಆರ್ 20 ಕೋಟಿ ರೂ ಬಹುಮಾನವನ್ನು ಪಡೆದುಕೊಂಡರೆ, ಎಸ್‌ಆರ್‌ಹೆಚ್ 12.5 ಕೋಟಿ ರೂ ಪಡೆದುಕೊಂಡಿತು. ಈ ಸಂದರ್ಭದಲ್ಲಿ ಐಪಿಎಲ್ ಕಾಯ್ದಿರಿಸಿದ ಒಟ್ಟು ಬಹುಮಾನದ ಮೊತ್ತವು 46.5 ಕೋಟಿಯಾಗಿದೆ.

ಮೂರನೇ ಸ್ಥಾನ ಗಳಿಸಿದ ರಾಜಸ್ಥಾನ ರಾಯಲ್ಸ್ ಗೆ 7 ಕೋಟಿ ರೂ ಮತ್ತು ನಾಲ್ಕನೇ ಸ್ಥಾನ ಗಳಿಸಿದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ 6.5 ಕೋಟಿ ರೂ ಪ್ರಶಸ್ತಿ ಮೊತ್ತ ನೀಡಲಾಯಿತು.

ಆರೆಂಜ್ ಕ್ಯಾಪ್ ಪ್ರಶಸ್ತಿಯು ನಿರೀಕ್ಷೆಯಂತೆ ವಿರಾಟ್ ಕೊಹ್ಲಿ ಅವರಿಗೆ ಸಿಕ್ಕಿದೆ. ವಿರಾಟ್ 15 ಪಂದ್ಯಗಳಿಂದ 61.75ರ ಸರಾಸರಿಯಲ್ಲಿ 741 ರನ್ ಗಳಿಸಿದ್ದಾರೆ. ಪಂಜಾಬ್ ಬೌಲರ್ ಹರ್ಷಲ್ ಪಟೇಲ್ ಅವರು ಪರ್ಪಲ್ ಕ್ಯಾಪ್ ಪ್ರಶಸ್ತಿ ಪಡೆದರು. ಅವರು 14 ಪಂದ್ಯಗಳಲ್ಲಿ 24 ವಿಕೆಟ್ ಪಡೆದಿದ್ದಾರೆ. ಇಬ್ಬರೂ ತಲಾ 10 ಲಕ್ಷ ರೂ ಪಡೆದರು.

ಕೆಕೆಆರ್ ಫೀಲ್ಡರ್ ರಮಣ್ ದೀಪ್ ಸಿಂಗ್ ಅವರು ಕ್ಯಾಚ್ ಆಫ್ ದಿ ಸೀಸನ್ ಪ್ರಶಸ್ತಿ ಪಡೆದರು. ಹೈದರಾಬಾದ್ ನ ನಿತೀಶ್ ಕುಮಾರ್ ರೆಡ್ಡಿ ಸೀಸನ್ ನ ಉದಯೋನ್ಮುಖ ಆಟಗಾರ ಪ್ರಶಸ್ತಿ ಪಡೆದರು.

Advertisement

ಪ್ರಶಸ್ತಿ ವಿಜೇತರ ಪಟ್ಟಿ

ಆರೆಂಜ್ ಕ್ಯಾಪ್: ವಿರಾಟ್ ಕೊಹ್ಲಿ – 741 ರನ್

ಪರ್ಪಲ್ ಕ್ಯಾಪ್: ಹರ್ಷಲ್ ಪಟೇಲ್ – 24 ವಿಕೆಟ್

ಋತುವಿನ ಅತ್ಯಂತ ಮೌಲ್ಯಯುತ ಆಟಗಾರ: ಸುನಿಲ್ ನರೈನ್

ಸೀಸನ್‌ನ ಅಲ್ಟಿಮೇಟ್ ಫ್ಯಾಂಟಸಿ ಪ್ಲೇಯರ್: ಸುನಿಲ್ ನರೈನ್

ಹೆಚ್ಚು ಬೌಂಡರಿ: ಟ್ರಾವಿಸ್ ಹೆಡ್ (64)

ಅತಿ ಹೆಚ್ಚು ಸಿಕ್ಸರ್: ಅಭಿಷೇಕ್ ಶರ್ಮಾ (42)

ಸ್ಟ್ರೈಕರ್ ಆಫ್ ದಿ ಸೀಸನ್: ಜೇಕ್ ಫ್ರೇಸರ್ ಮ್ಯಾಕ್‌ಗರ್ಕ್ (234.04)

ಋತುವಿನ ಉದಯೋನ್ಮುಖ ಆಟಗಾರ: ನಿತೀಶ್ ಕುಮಾರ್ ರೆಡ್ಡಿ

ಕ್ಯಾಚ್ ಆಫ್ ದಿ ಸೀಸನ್: ರಮಣದೀಪ್ ಸಿಂಗ್

ಫೇರ್ ಪ್ಲೇ ಪ್ರಶಸ್ತಿ: ಸನ್ ರೈಸರ್ಸ್ ಹೈದರಾಬಾದ್

ಪಿಚ್ ಮತ್ತು ಮೈದಾನ ಪ್ರಶಸ್ತಿ: ಹೈದರಾಬಾದ್ ಕ್ರಿಕೆಟ್ ಸಂಸ್ಥೆ

Advertisement

Udayavani is now on Telegram. Click here to join our channel and stay updated with the latest news.

Next