ಐಪಿಎಲ್‌ ಕಮೆಂಟ್ರಿ ತಂಡದಲ್ಲಿ ಮಾಂಜ್ರೇಕರ್‌ ಇಲ್ಲ

ಹೊಸದಿಲ್ಲಿ: ಈ ಬಾರಿಯ ಐಪಿಎಲ್‌ ಪಂದ್ಯಾವಳಿಗಾಗಿ ಬಿಸಿಸಿಐ 7 ಮಂದಿ ಭಾರತೀಯ ವೀಕ್ಷಕ ವಿವರಣಕಾರರ ಯಾದಿಯನ್ನು ಪ್ರಕಟಿಸಿದೆ. ಆದರೆ ಇದರಲ್ಲಿ ಸಂಜಯ್‌ ಮಾಂಜ್ರೇಕರ್‌ ಹೆಸರು ಕಾಣೆಯಾಗಿದೆ!

7 ಮಂದಿ ವೀಕ್ಷಕ ವಿವರಣಕಾರರೆಂದರೆ ಸುನೀಲ್‌ ಗಾವಸ್ಕರ್‌, ಎಲ್‌. ಶಿವರಾಮಕೃಷ್ಣನ್‌, ಮುರಳಿ ಕಾರ್ತಿಕ್‌, ದೀಪ್‌ ದಾಸ್‌ಗುಪ್ತ, ರೋಹನ್‌ ಗಾವಸ್ಕರ್‌, ಹರ್ಷ ಬೋಗ್ಲೆ ಮತ್ತು ಅಂಜುಮ್‌ ಚೋಪ್ರಾ. ಇವರನ್ನು 3 ತಂಡಗಳಾಗಿ ವಿಭಜಿಸಲಾಗಿದೆ. ಇವರು ಅಬುಧಾಬಿ, ಶಾರ್ಜಾ ಮತ್ತು ದುಬಾೖ ಪಂದ್ಯಗಳಲ್ಲಿ ಪ್ರತ್ಯೇಕವಾಗಿ ಕರ್ತವ್ಯ ನಿಭಾಯಿಸಲಿದ್ದಾರೆ.

ಸಂಜಯ್‌ ಮಾಂಜ್ರೇಕರ್‌ 2008ರ ಮೊದಲ ಐಪಿಎಲ್‌ನಿಂದಲೇ ಕಮೆಂಟ್ರಿ ತಂಡದ ಖಾಯಂ ಸದಸ್ಯರಾಗಿದ್ದರು. ಕಳೆದ ಮಾರ್ಚ್‌ನಲ್ಲಿ ನಡೆದ ದಕ್ಷಿಣ ಆಫ್ರಿಕಾ ವಿರುದ್ಧದ ಸರಣಿ ವೇಳೆ ಮಾಂಜ್ರೆàಕರ್‌ ಅವರನ್ನು ಬಿಸಿಸಿಐ ಕಮೆಂಟ್ರಿ ಟೀಮ್‌ನಿಂದ ಕೈಬಿಟ್ಟಿತ್ತು. ಸಾಮಾಜಿಕ ಜಾಲತಾಣದಲ್ಲಿ ರವೀಂದ್ರ ಜಡೇಜ ಅವರನ್ನು ನಿಂದಿಸಿ ಪೋಸ್ಟ್‌ ಮಾಡಿದ್ದೇ ಇದಕ್ಕೆ ಕಾರಣ.

ಮನವಿ ತಿರಸ್ಕೃತ
ಒಂದು ತಿಂಗಳ ಹಿಂದೆ ಬಿಸಿಸಿಐಗೆ ಪತ್ರ ಬರೆದಿದ್ದ ಸಂಜಯ್‌ ಮಾಂಜ್ರೇಕರ್‌, ತನ್ನನ್ನು ಐಪಿಎಲ್‌ ಕಮೆಂಟ್ರಿ ತಂಡಕ್ಕೆ ಸೇರಿಸಿಕೊಳ್ಳಬೇಕು ಎಂದು ಮನವಿ ಮಾಡಿದ್ದರು. ಆದರೆ ಬಿಸಿಸಿಐ ಇದನ್ನು ತಳ್ಳಿಹಾಕಿದೆ.