ಐಒಸಿಯಿಂದ ದೇಶದ ಮೊದಲ ಹೈಡ್ರೋಜನ್‌ ಇಂಧನ ಸ್ಥಾವರ

ಹೊಸದಿಲ್ಲಿ : ದೇಶದ ಅತೀ ದೊಡ್ಡ ಸರಕಾರಿ ಸ್ವಾಮ್ಯದ ತೈಲ ಕಂಪೆನಿಯಾಗಿರುವ ಇಂಡಿಯನ್‌ ಆಯಿಲ್‌ ಕಂಪೆನಿ (ಐಒಸಿ)ಯು ದೇಶದ ಮೊತ್ತಮೊದಲ “ಹಸುರು ಹೈಡ್ರೋಜನ್‌’ ಇಂಧನ ಸ್ಥಾವರವನ್ನು ಮಥುರಾದಲ್ಲಿ ಸ್ಥಾಪಿಸಲಿದೆ.

ಭವಿಷ್ಯದಲ್ಲಿ ಮಾಲಿನ್ಯರಹಿತ ಶುದ್ಧ ರೂಪದ ಇಂಧನ ಗಳಿಗೆ ಬೇಡಿಕೆ ಉಂಟಾಗಲಿರುವುದನ್ನು ಪರಿಗಣಿಸಿ ಐಒಸಿ ಈ ಹೆಜ್ಜೆ ಇರಿಸಿದೆ.

10 ವರ್ಷಗಳಲ್ಲಿ ಪೆಟ್ರೋಕೆಮಿಕಲ್‌ಗ‌ಳು, ಹೈಡ್ರೋಜನ್‌ ಮತ್ತು ವಿದ್ಯುತ್‌ ಚಾಲಿತ ವಾಹನಗಳ ಭವಿಷ್ಯದ ಹಿನ್ನೆಲೆಯಲ್ಲಿ ಐಒಸಿ ವ್ಯೂಹಾತ್ಮಕ ನಿರ್ಧಾರ ಗಳನ್ನು ತೆಗೆದುಕೊಳ್ಳುತ್ತಿದೆ ಎಂದು ಅಧ್ಯಕ್ಷ ಶ್ರೀಕಾಂತ್‌ ಮಾಧವ ವೈದ್ಯ ತಿಳಿಸಿದ್ದಾರೆ.