ಭವಿಷ್ಯ ನಿಧಿ, ಗ್ರಾಚ್ಯುಟಿ ಬಡ್ಡಿ ದರ ಯಥಾಸ್ಥಿತಿ ಮುಂದುವರಿಸಲು ಕೇಂದ್ರ ನಿರ್ಧಾರ

ನವದೆಹಲಿ: ಸಾಮಾನ್ಯ ಭವಿಷ್ಯ ನಿಧಿ (ಜಿಪಿಎಫ್) ಹಾಗೂ ಸರ್ಕಾರೇತರ ಭವಿಷ್ಯ ನಿಧಿ ಠೇವಣಿಗಳು, ಗ್ರಾಚ್ಯುಟಿಗಳ ಬಡ್ಡಿ ದರ ಪ್ರಸ್ತುತ ಶೇ. 7.1ರಷ್ಟಿದ್ದು, ಇದನ್ನು ಯಥಾಸ್ಥಿತಿಯಲ್ಲೇ ಮುಂದುವರಿಸಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ.

ಏಪ್ರಿಲ್‌ನಿಂದ ಜೂನ್‌ವರೆಗಿನ ತ್ತೈಮಾಸಿಕ ಅವಧಿಯವರೆಗೆ ಈ ಬಡ್ಡಿ ದರ ಇದೇ ರೀತಿ ಮುಂದುವರಿಯುತ್ತದೆ ಎಂದು ಕೇಂದ್ರ ಹಣಕಾಸು ಇಲಾಖೆಯ ಅಧೀನದಲ್ಲಿರುವ ಹಣಕಾಸು ವ್ಯವಹಾರಗಳ ಇಲಾಖೆ ಪ್ರಕಟಣೆ ನೀಡಿದೆ.

ಸರ್ಕಾರೇತರ ಭವಿಷ್ಯ ನಿಧಿ ಯೋಜನೆಯಡಿ ಮಾಡಲಾಗಿರುವ ವಿಶೇಷ ಠೇವಣಿ ಹೂಡಿಕೆಗಳು, ಅವಧಿ ಮುಗಿದ ಗ್ರಾಚ್ಯುಟಿ ಠೇವಣಿಗಳ ಮೇಲಿನ ಬಡ್ಡಿ ದರ ಶೇ. 7.1ರ ದರದಲ್ಲೇ ಮುಂದುವರಿಯಲಿವೆ ಎಂದು ತಿಳಿಸಲಾಗಿದೆ.

ಇದನ್ನೂ ಓದಿ :ವೈದ್ಯಾಧಿಕಾರಿಗಳ ನೇಮಕಾತಿ ಕನಿಷ್ಟ ವಯೋಮಿತಿ ಹೆಚ್ಚಳ: ಸರ್ಕಾರದ ಕ್ರಮ ಎತ್ತಿಹಿಡಿದ ಹೈಕೋರ್ಟ್‌