ಅಂತಾರಾಷ್ಟ್ರೀಯ ಚಾಂಪಿಯನ್ಸ್‌ ಕಪ್‌-2020 ಫ‌ುಟ್ಬಾಲ್‌ ಕೂಟ ರದ್ದು

ಬೀಜಿಂಗ್‌: ಕೋವಿಡ್‌-19 ಭೀತಿಯನ್ನು ಗಮನದಲ್ಲಿಟ್ಟುಕೊಂಡು ಅಂತಾರಾಷ್ಟ್ರೀಯ ಚಾಂಪಿಯನ್ಸ್‌ ಕಪ್‌-2020 ಫ‌ುಟ್ಬಾಲ್‌ ಪಂದ್ಯಾವಳಿಯನ್ನು ರದ್ದುಪಡಿಸಲಾಗಿದೆ ಎಂದು ಸಂಘಟಕರು ಶನಿವಾರ ತಡರಾತ್ರಿ ಖಚಿತಪಡಿಸಿದ್ದಾರೆ.

ಕೋವಿಡ್‌-19 ಸೋಂಕು ಕಾರಣದಿಂದಾಗಿ ಯುರೋಪಿನ ಬಹುತೇಕ ಎಲ್ಲ ಲೀಗ್‌ಗಳನ್ನು ಮುಂದೂಡಲಾಗಿದೆ ಮತ್ತು ರದ್ದುಪಡಿಸಲಾಗಿದೆ. ಆಟಗಾರರ ಮತ್ತು ಸಿಬಂದಿಗಳ ಸುರಕ್ಷತೆ ಮುಖ್ಯವಾಗಿದೆ. ಈ ನಿಟ್ಟಿನಲ್ಲಿ ಈ ಟೂರ್ನಿಯನ್ನು ರದ್ದುಪಡಿಸಿದ್ದೇವೆ ಎಂದು ಕ್ರೀಡಾ ಸಮೂಹದ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಡ್ಯಾನಿ ಸಿಲ್ಮನ್‌ ಹೇಳಿದ್ದಾರೆ.

“ಮುಂದಿನ ವರ್ಷ ಈ ಪಂದ್ಯಾವಳಿಯನ್ನು ಪ್ರಮುಖ ಕ್ಲಬ್‌ಗಳೊಂದಿಗೆ ಆಯೋಜಿಸಿ ಅತ್ಯಂತ ಯಶಸ್ವಿಯಾಗಿ ನಡೆಸಲಾಗುವುದು ಕೂಟದ ಖಚಿತ ದಿನಾಂಕವನ್ನು ಮುಂದಿನ ದಿನಗಳಲ್ಲಿ ಪ್ರಕಟಿಸಲಾಗುವುದು’ ಎಂದು ಡ್ಯಾನಿ ಸಿಲ್ಮನ್‌ ಹೇಳಿದ್ದಾರೆ.