Inflation 9 ತಿಂಗಳಲ್ಲೇ ಗರಿಷ್ಠ: ಕೇಂದ್ರ ಸರಕಾರ

ಹೊಸದಿಲ್ಲಿ: ಸಗಟು ದರ ಸೂಚ್ಯಂಕ ಆಧರಿತ ಹಣದುಬ್ಬರ ಕಳೆದ ಡಿಸೆಂಬರ್‌ ತಿಂಗಳಲ್ಲಿ ಶೇ.0.73ಕ್ಕೇರಿದ್ದು, ಇದು 9 ತಿಂಗಳಲ್ಲೇ ಗರಿಷ್ಠ ಎಂದು ಕೇಂದ್ರ ಸರಕಾರ ತಿಳಿಸಿದೆ.

ಆಹಾರ ದರಗಳಲ್ಲಿ ಆದ ಏರಿಕೆಯೇ ಹಣದುಬ್ಬರ ಹೆಚ್ಚಳಕ್ಕೆ ಕಾರಣ ಎಂದೂ ಹೇಳಲಾಗಿದೆ. ಎಪ್ರಿಲ್‌ನಿಂದ ಅಕ್ಟೋಬರ್‌ವರೆಗೆ ಸಗಟು ಹಣದುಬ್ಬರ ಋಣಾತ್ಮಕವಾಗಿತ್ತು. ನವೆಂಬರ್‌ನಲ್ಲಿ ಸ್ವಲ್ಪ ಏರಿಕೆಯಾಗಿ, ಶೇ.0.26 ಆಗಿತ್ತು. 2022ರ ಡಿಸೆಂಬರ್‌ನಲ್ಲಿ ಹಣದುಬ್ಬರ ಶೇ.5.02 ಆಗಿತ್ತು. ಇದೇ ವೇಳೆ, ಕಳೆದ ತಿಂಗಳು ದೇಶದ ರಫ್ತು ಪ್ರಮಾಣ ಶೇ.1ರಷ್ಟು ಹೆಚ್ಚಳವಾಗಿದ್ದು, 38.45 ಶತಕೋಟಿ ಡಾಲರ್‌ ಮೊತ್ತದ ಸರಕುಗಳು ರಫ್ತಾಗಿವೆ. ಆಮದು ಶೇ.4.85ರಷ್ಟು ಇಳಿಕೆಯಾಗಿದೆ.