ಇಂದೋರ್‌ನಲ್ಲಿ ಸತತ 2ನೇ ರಣಜಿ ಟ್ರೋಫಿ ಫೈನಲ್‌

ಇಂದೋರ್‌: ಈ ಬಾರಿಯ ರಣಜಿ ಟ್ರೋಫಿ ಕ್ರಿಕೆಟ್‌ ಫೈನಲ್‌ ಪಂದ್ಯ ಇಂದೋರ್‌ನ “ಹೋಳ್ಕರ್‌ ಸ್ಟೇಡಿಯಂ’ನಲ್ಲಿ ನಡೆಯುವುದು ಅಧಿಕೃತಗೊಂಡಿದೆ. ಇದರೊಂದಿಗೆ ಸತತ 2ನೇ ವರ್ಷ ರಣಜಿ ಫೈನಲ್‌ ಆತಿಥ್ಯ ವಹಿಸುವ ಹೆಗ್ಗಳಿಕೆ ಇಂದೋರ್‌ನದ್ದಾಗಿದೆ.

2016-17ನೇ ಋತುವಿನ ರಣಜಿ ಫೈನಲ್‌ ಕೂಡ ಇಲ್ಲೇ ನಡೆದಿತ್ತು. ಮುಂಬಯಿಯನ್ನು ಮಣಿಸಿ ಟ್ರೋಫಿ ಎತ್ತಿದ ಗುಜರಾತ್‌ ಚಾಂಪಿಯನ್‌ ಆಗಿ ಮೂಡಿಬಂದಿತ್ತು. ಈ ಬಾರಿ ಈ ಎರಡೂ ತಂಡಗಳು ಕ್ವಾರ್ಟರ್‌ ಫೈನಲ್‌ನಲ್ಲಿ ಮುಗ್ಗರಿಸಿವೆ. ಕರ್ನಾಟಕ-ವಿದರ್ಭ, ದಿಲ್ಲಿ-ಬಂಗಾಲ ತಂಡಗಳು ರವಿವಾರದಿಂದ ಸೆಮಿಫೈನಲ್‌ ಆಡಲಿದ್ದು, ವಿಜೇತ ತಂಡಗಳು ಪ್ರಶಸ್ತಿ ಸುತ್ತಿಗೆ ಲಗ್ಗೆ ಇಡಲಿವೆ. ಫೈನಲ್‌ ಪಂದ್ಯ ಡಿ. 29ರಿಂದ ಜ. 2ರ ತನಕ ಸಾಗಲಿದೆ.

ಇಂದೋರ್‌ಗೆ 2016ರ ಸೆಪ್ಟಂಬರ್‌ನಲ್ಲಿ ಮೊದಲ ಬಾರಿಗೆ ಟೆಸ್ಟ್‌ ಆತಿಥ್ಯ ಲಭಿಸಿತ್ತು. ಭಾರತ-ಆಸ್ಟ್ರೇಲಿಯ ನಡುವಿನ ಏಕದಿನ ಪಂದ್ಯವನ್ನೂ ಇಲ್ಲಿ ಆಡಲಾಗಿತ್ತು. ಭಾರತ-ಶ್ರೀಲಂಕಾ ನಡುವಿನ ಟಿ20 ಪಂದ್ಯವೊಂದರ ಆತಿಥ್ಯವೂ ಇಂದೋರ್‌ ಪಾಲಾಗಿದೆ.