Pune to Nagpur ಇಂಡಿಗೋ ವಿಮಾನ ಸೀಟ್‌ನಲ್ಲಿ ಇಲ್ಲದ ಕುಷನ್‌

ಮುಂಬೈ: ಪುಣೆಯಿಂದ ನಾಗ್ಪುರಕ್ಕೆ ಭಾನುವಾರ ಸಂಚರಿಸಿದ ಇಂಡಿಗೋ ವಿಮಾನದಲ್ಲಿ ಒಂದು ಸೀಟ್‌ನಲ್ಲಿ ಕುಷನ್‌ ಇರಲೇ ಇಲ್ಲ. ಈ ಬಗ್ಗೆ ಆ ಸೀಟ್‌ ಕಾಯ್ದಿರಿಸಿದ್ದ ಪ್ರಯಾಣಿಕ ಸುಬ್ರತ್‌ ಪಟ್ನಾಯಕ್‌ ಆಕ್ರೋಶಗೊಂಡು ಫೋಟೋ ಸಹಿತ ಟ್ವೀಟ್‌ ಮಾಡಿದ್ದಾರೆ.

“ಸೀಟ್‌ ಸಂಖ್ಯೆ 10ಎಯಲ್ಲಿ ಸೀಟ್‌ಗೆ ಕುಷನ್‌ ಇರಲಿಲ್ಲ. ಲಾಭವನ್ನು ಹೆಚ್ಚಿಸಲು ಅತ್ಯುತ್ತಮ ಪ್ರಯತ್ನ. ಎಂಥಾ ದುರವಸ್ಥೆ’ ಎಂದು ಬರೆದುಕೊಂಡಿದ್ದಾರೆ. ಅವರು ಟ್ವೀಟ್‌ ಮಾಡಿದ ತಕ್ಷಣವೇ ಅದು ವೈರಲ್‌ ಆಗಿದೆ.

ಕಂಪನಿಯ ನಿಲುವಿನ ಬಗ್ಗೆ ಹಲವರು ಟೀಕೆ ಮಾಡಿದ್ದಾರೆ. ಈ ಬಗ್ಗೆ ಕ್ಷಮೆ ಕೋರಿದ ಇಂಡಿಗೋ ಏರ್‌ಲೈನ್ಸ್‌ ಇಂಥ ಘಟನೆ ಬಗ್ಗೆ ವಿಷಾದವಿದೆ. ಅದಕ್ಕೆ ಬದಲಿ ಕುಷನ್‌ ಹಾಕುವ ವ್ಯವಸ್ಥೆ ಮಾಡಲಾಗುತ್ತದೆ ಎಂದಿದೆ.