ಗರಿಷ್ಠ ಮಟ್ಟಕ್ಕೆ ಹಣದುಬ್ಬರ

ಹೊಸದಿಲ್ಲಿ: ಸಗಟು ವ್ಯಾಪಾರ ಕ್ಷೇತ್ರದಲ್ಲಿನ ಹಣದುಬ್ಬರ (ಡಬ್ಲ್ಯೂಪಿಐ) ಹತ್ತು ತಿಂಗಳ ಗರಿಷ್ಠಕ್ಕೆ ಅಂದರೆ ಶೇ.3.1ಕ್ಕೆ ಜಿಗಿದಿದೆ. ಕಳೆದ ತಿಂಗಳು ಈರುಳ್ಳಿ, ಬಟಾಟೆ ದರಗಳಲ್ಲಿ ಏರಿಕೆ ಉಂಟಾಗಿರುವ ಕಾರಣ ಹೀಗಾಗಿದೆ.

2019ರ ಜನವರಿಯಲ್ಲಿ ಶೇ.2.76, ಅದೇ ವರ್ಷದ ಡಿಸೆಂಬರ್‌ನಲ್ಲಿ ಶೇ.2.59ರಷ್ಟು ಡಬ್ಲ್ಯೂಪಿಐ ಇತ್ತು. ಮತ್ತೂಂದು ಸಮಾಧಾನಕರ ವಿಚಾರದಲ್ಲಿ ದೇಶದ ವಿದೇಶಿ ವಿನಿಮಯ ಮೀಸಲು ನಿಧಿ 1.71 ಬಿಲಿಯನ್‌ ಅಮೆರಿಕನ್‌ ಡಾಲರ್‌ಗೆ ಜಿಗಿದಿದೆ. ಈಗ ಅದರ ಒಟ್ಟು ಮೊತ್ತ 473 ಬಿಲಿಯನ್‌ ಅಮೆರಿಕನ್‌ ಡಾಲರ್‌ ಆಗಿದೆ. ಕಳೆದ ವಾರ 471.3 ಬಿಲಿಯನ್‌ಗೆ ಕುಸಿದಿತ್ತು.