ಭಾರತದ 5 ಯೋಧರ ಹತ್ಯೆ: ಪಾಕ್‌ ಸುಳ್ಳು

ಇಸ್ಲಾಮಾಬಾದ್‌: ಗಡಿ ನಿಯಂತ್ರಣ ರೇಖೆಯಲ್ಲಿ ಭಾರತೀಯ ಸೇನಾನೆಲೆಯನ್ನು ಧ್ವಂಸಗೊಳಿಸಿ, ಭಾರತದ ಐವರು ಯೋಧರನ್ನು ಹತ್ಯೆಗೈಯ್ದಿದ್ದೇವೆ ಎಂದು ಪಾಕಿಸ್ತಾನ ಸೇನೆಯು ಹೇಳಿಕೊಂಡಿದ್ದು, ಇದು ಹಸಿ ಸುಳ್ಳು ಎಂದು ಭಾರತ ಪ್ರತಿಕ್ರಿಯಿಸಿದೆ.

ಗುರುವಾರ ರಾತ್ರಿ ಈ ಕುರಿತು ಟ್ವೀಟ್‌ ಮಾಡಿದ್ದ ಪಾಕ್‌ ಸೇನಾ ವಕ್ತಾರ ಮೇಜರ್‌ ಜನರಲ್‌ ಆಸಿಫ್ ಗಫಾರ್‌,  “ಎಲ್‌ಒಸಿಯಲ್ಲಿನ ತಟ್ಟ ಪಾಣಿ ವಲಯದಲ್ಲಿ ಭಾರತೀಯ ಸೇನಾನೆಲೆ ಧ್ವಂಸಗೊಳಿಸಿದ್ದೇವೆ. ಆಗ, ಭಾರತದ ಐವರು ಯೋಧರು ಮೃತಪಟ್ಟು, ಹಲವರು ಗಾಯಗೊಂಡಿದ್ದಾರೆ’ ಎಂದು ಬರೆದುಕೊಂಡಿದ್ದರು.