ರೈಲಿನಲ್ಲೂ ಮಹಿಳೆಯರಿಗೆ ಮೀಸಲು ಆಸನ

ಹೊಸದಿಲ್ಲಿ: ಶೀಘ್ರದಲ್ಲಿಯೇ ದೂರ ಪ್ರಯಾಣದ ರೈಲುಗಳಲ್ಲಿ ಮಹಿಳೆಯರಿಗೆ ಕೆಲವು ಆಸನಗಳನ್ನು ಮೀಸಲಿರಿಸುವುದಾಗಿ ಭಾರತೀಯ ರೈಲ್ವೇ ಘೋಷಿಸಿದೆ.

ದೇಶದ ರೈಲುಗಳಲ್ಲಿ ಮಹಿಳೆಯರ ಸುರಕ್ಷೆಗೆ ಒತ್ತು ನೀಡುವ ನಿಟ್ಟಿನಲ್ಲಿ ಈ ಕ್ರಮ ಕೈಗೊಳ್ಳುವುದಾಗಿ ರೈಲ್ವೇ ಸಚಿವ ಅಶ್ವಿ‌ನಿ ವೈಷ್ಣವ್‌ ಮಾಹಿತಿ ನೀಡಿದ್ದಾರೆ.

ಗರೀಬ್‌ ರಥ್‌, ರಾಜಧಾನಿ, ತುರಂತೋ, ಪೂರ್ಣ ಎಸಿ ಎಕ್ಸ್‌ಪ್ರೆಸ್‌ನಂತಹ ರೈಲುಗಳ ಸ್ಲಿàಪರ್‌ ಕ್ಲಾಸ್‌ ಬೋಗಿಗಳಲ್ಲಿ 6 ಬರ್ತ್‌ ಗಳನ್ನು ಮಹಿಳೆಯರಿಗೆ ಮೀಸಲಿರಿಸಲಿದ್ದೇವೆ.

ಎಲ್ಲ ಮಹಿಳೆಯರೂ ಈ ಸೌಲಭ್ಯಗಳನ್ನು ಪಡೆಯಬಹುದು. ಪ್ರತೀ ಸ್ಲೀಪರ್ ಕೋಚ್  ನಲ್ಲಿ 6-7, 3 ಎಸಿ ಕೋಚ್‌ಗಳಲ್ಲಿ 4-5 ಲೋವರ್‌ ಬರ್ತ್‌ಗಳನ್ನು ಮಹಿಳೆಯರಿಗೆ ಮೀಸಲಿಡಲಾಗುವುದು ಎಂದು ಅವರು ತಿಳಿಸಿದ್ದಾರೆ.