ಹಾಕಿ:ನ್ಯೂಜಿಲೆಂಡ್‌ ವಿರುದ್ಧ ಭಾರತಕ್ಕೆ ಸೋಲು

ಆಕ್ಲೆಂಡ್‌: ಆತಿಥೇಯ ನ್ಯೂಜಿಲೆಂಡ್‌ ವಿರುದ್ಧದ ಮೂರನೇ ಹಾಕಿ ಪಂದ್ಯದಲ್ಲಿ ಭಾರತ 0-1 ಅಂತರದ ಸೋಲನುಭವಿಸಿದೆ. ಇದರೊಂದಿಗೆ ರಾಣಿ ರಾಮ್‌ಪಾಲ್‌ ಪಡೆ ಸರಣಿಯಲ್ಲಿ 1-2 ಹಿನ್ನಡೆ ಕಂಡಿತು.

ಮೊದಲ ಪಂದ್ಯವನ್ನು 4-0 ಗೋಲುಗಳಿಂದ ಭರ್ಜರಿಯಾಗಿ ಗೆದ್ದ ಬಳಿಕ ಭಾರತಕ್ಕೆ ಅದೃಷ್ಟ ಕೈ ಕೊಡುತ್ತ ಹೋಯಿತು. ದ್ವಿತೀಯ ಮುಖಾಮುಖೀಯಲ್ಲಿ 1-2 ಅಂತರದ ಸೋಲುಂಡಿತು.

ಮೊದಲೆರಡು ಪಂದ್ಯಗಳಿಗೆ ಹೋಲಿಸಿದರೆ ಬುಧವಾರದ ಮುಖಾಮುಖೀ ಹೆಚ್ಚು ಪೈಪೋಟಿಯಿಂದ ಕೂಡಿತ್ತು. ಇತ್ತಂಡಗಳ ರಕ್ಷಣಾತ್ಮ ಆಟ ಇಲ್ಲಿ ಮೇಲುಗೈ ಸಾಧಿಸಿತು. ಎರಡೂ ತಂಡಗಳು ಪೆನಾಲ್ಟಿ ಅವಕಾಶಗಳನ್ನು ವ್ಯರ್ಥ ಗೊಳಿಸಿದವು. ಹೀಗಾಗಿ ಮೊದಲರ್ಧದಲ್ಲಿ ಗೋಲೇ ಬರಲಿಲ್ಲ. ಇದಕ್ಕೆ 37ನೇ ನಿಮಿಷದ ತನಕ ಕಾಯಬೇಕಾಯಿತು. ನ್ಯೂಜಿಲೆಂಡಿನ ಹೋಪ್‌ ರಾಲ್ಫ್ ಈ ಪಂದ್ಯದ ಏಕೈಕ ಗೋಲಿಗೆ ಸಾಕ್ಷಿಯಾದರು. ಫೆ. 4ರಂದು ಭಾರತ ಅಂತಿಮ ಪಂದ್ಯದಲ್ಲಿ ಗ್ರೇಟ್‌ ಬ್ರಿಟನ್‌ ವಿರುದ್ಧ ಆಡಲಿದೆ