ವನಿತಾ ಹಾಕಿ ತಂಡಕ್ಕೆ ಭವ್ಯ ಸ್ವಾಗತ

ಲಂಡನ್‌: ಯಶಸ್ಸಿನ ದಾರಿಯಲ್ಲಿ ಎದುರಾದ ಕಠಿನ ಸಮಸ್ಯೆಗಳನ್ನು ಮೆಟ್ಟಿ ನಿಂತು ಅಮೋಘ ಸಾಧನೆ ಮಾಡಿರುವ ಭಾರತೀಯ ವನಿತಾ ಹಾಕಿ ತಂಡದ ಸದಸ್ಯರನ್ನು ಲಂಡ ನ್‌ನಲ್ಲಿರುವ ಭಾರತೀಯ ರಾಯಭಾರಿ ಕಚೇರಿಯು ಭವ್ಯವಾಗಿ ಸ್ವಾಗತಿಸಿತು.

ಈ ವಾರಾಂತ್ಯದಲ್ಲಿ ಆರಂಭವಾಗುವ ಎಫ್ಐಎಚ್‌ ಪ್ರೊ ಲೀಗ್‌ ಹಾಕಿ ಕೂಟದಲ್ಲಿ ಪಾಲ್ಗೊಳ್ಳಲು ಭಾರತದ ವನಿತೆಯರ ಮತ್ತು ಪುರುಷರ ತಂಡವು ಲಂಡನ್‌ಗೆ ಆಗಮಿಸಿದೆ. ಭಾರತೀಯ ತಂಡ ಶನಿವಾರ ಜರ್ಮನಿ ವಿರುದ್ಧ ಆಡಲಿದೆ.

ದೇಶವನ್ನು ಪ್ರತಿನಿಧಿಸಿದ ತಂಡದ ಪ್ರತಿಯೊಬ್ಬ ಆಟಗಾರ ಇಡೀ ದೇಶದ ವಿವಿಧ ವಲಯ ಮತ್ತು ಸಮುದಾ ಯದಿಂದ ಬಂದವರಾಗಿದ್ದಾರೆ. ಅವರೆ ಲ್ಲರಲ್ಲಿಯೂ ಅದ್ಭುತ ಕಥೆಗಳಿವೆ. ಅವರ ಅಮೋಘ ನಿರ್ವಹಣೆಯಿಂದ ಭಾರತೀಯ ತಂಡ ಹಾಕಿ ಕ್ಷೇತ್ರದಲ್ಲಿ ಅಮೋಘ ಸಾಧನೆ ಮಾಡಿದೆ ಎಂದು ಭಾರತೀಯ ರಾಯಭಾರಿ ವಿಕ್ರಮ್‌ ದೊರೈಸ್ವಾಮಿ ಹೇಳಿದ್ದಾರೆ. ಬುಧವಾರ ಸಂಜೆ ಭಾರತೀಯ ಹೌಸ್‌ನಲ್ಲಿ ಈ ಸಮಾರಂಭ ನಡೆದಿತ್ತು.