ಜಮ್ಮು-ಕಾಶ್ಮೀರ: PAK ಸೇನೆಯಿಂದ ಮತ್ತೆ ದಾಳಿ, ಭಾರತದ ಪ್ರತಿದಾಳಿಗೆ ಇಬ್ಬರು ಪಾಕ್ ಯೋಧರು ಬಲಿ

ನವದೆಹಲಿ:ಜಮ್ಮು- ಕಾಶ್ಮೀರದ ಗಡಿನಿಯಂತ್ರಣ ರೇಖೆಯ ಸುಂದರಬನಿ ಬಳಿ ಪಾಕಿಸ್ತಾನದ ಗಡಿನಿಯಂತ್ರಣ ಸೇನೆಯ ದಾಳಿಯನ್ನು ಭಾರತೀಯ ಸೇನಾಪಡೆ ಮಂಗಳವಾವಿಫಲಗೊಳಿಸಿದೆ. ಭಾರತೀಯ ಪಡೆಯ ಪ್ರತಿದಾಳಿಯಲ್ಲಿ ಪಾಕಿಸ್ತಾನ ಸ್ಪೆಷಲ್ ಸರ್ವೀಸಸ್ ಗ್ರೂಪ್ (ಎಸ್ ಎಸ್ ಜಿ)ನ ಇಬ್ಬರು ಕಮಾಂಡೋಗಳು ಸಾವನ್ನಪ್ಪಿರುವ ಘಟನೆ ನಡೆದಿದೆ.

ಪಾಕಿಸ್ತಾನ (ಬಿಎಟಿ) ಪಡೆ ನಡೆಸಿದ ಎನ್ ಕೌಂಟರ್ ಗೆ ಭಾರತೀಯ ಯೋಧರೊಬ್ಬರು ಹುತಾತ್ಮರಾಗಿದ್ದಾರೆ. ಸೇನಾ ಮೂಲಗಳ ಪ್ರಕಾರ, ಗಡಿ ನಿಯಂತ್ರಣ ರೇಖೆಯ ಬಳಿ ಎರಡೂ ಸೇನೆಯಿಂದಲೂ ರಾಕೆಟ್ ಲಾಂಚರ್ ಹಾಗೂ ಮಿಸೈಲ್ಸ್ ದಾಳಿ ನಡೆದಿರುವುದಾಗಿ ಎಎನ್ ಐ ವರದಿ ಮಾಡಿದೆ.

ಜಮ್ಮು-ಕಾಶ್ಮೀರದ ಸುಂದರಬನಿ ಸೆಕ್ಟರ್ ನಲ್ಲಿನ ನಾಥುವಾ ಕಾ ಟಿಬ್ಬಾ ಭಾರತೀಯ ಶಿಬಿರದ ಮೇಲೆ ಪಾಕಿಸ್ತಾನದ ಎಸ್ ಎಸ್ ಜಿ ಗುಂಡಿನ ದಾಳಿ ಆರಂಭಿಸಿತ್ತು. ಬಳಿಕ ಭಾರತೀಯ ಪಡೆ ಪ್ರತಿದಾಳಿಯ ಮೂಲಕ ತಕ್ಕ ಉತ್ತರ ನೀಡಿರುವುದಾಗಿ ವರದಿ ತಿಳಿಸಿದೆ.