ಟಿ20: ಜೆಮಿಮಾ ಆರ್ಭಟ, ಭಾರತಕ್ಕೆ ಜಯ 

ಕೊಲಂಬೊ: ಜೆಮಿಮಾ ರಾಡ್ರಿಗಝ್ ಸಿಡಿಲಬ್ಬರದ ಬ್ಯಾಟಿಂಗ್‌ ನೆರವಿನಿಂದ ಶ್ರೀಲಂಕಾ ವಿರುದ್ಧದ ಮೂರನೇ ಟಿ20 ಕ್ರಿಕೆಟ್‌ ಕೂಟದಲ್ಲಿ ಭಾರತ ಮಹಿಳಾ ತಂಡ 5 ವಿಕೆಟ್‌ಗಳ ಭರ್ಜರಿ ಗೆಲುವು ಸಾಧಿಸಿದೆ. 

ಇದರೊಂದಿಗೆ ಒಟ್ಟಾರೆ 5 ಪಂದ್ಯಗಳ ಸರಣಿಯಲ್ಲಿ ಭಾರತೀಯರು 2-0 ಸರಣಿ ಮುನ್ನಡೆ ಸಾಧಿಸಿದ್ದಾರೆ. ಮೊದಲು ಬ್ಯಾಟಿಂಗ್‌ ಮಾಡಿದ ಶ್ರೀಲಂಕಾ ಆಟಗಾರ್ತಿಯರು ನಿಗದಿತ 20 ಓವರ್‌ಗಳಲ್ಲಿ 8 ವಿಕೆಟ್‌ಗೆ 131 ರನ್‌ಗಳಿಸಲಷ್ಟೇ ಸಾಧ್ಯವಾಯಿತು. ಈ ಗುರಿ ಬೆನ್ನಟ್ಟಿದ ಭಾರತಕ್ಕೆ ರಾಡ್ರಿಗಜ್‌ ಬಲ ತುಂಬಿದರು. ಅವರು 40 ಎಸೆತದಲ್ಲಿ 57 ರನ್‌ ಸಿಡಿಸಿದರು. 6 ಬೌಂಡರಿ ಮತ್ತ 2 ಮನಮೋಹಕ ಸಿಕ್ಸರ್‌ ಅನ್ನು ಇವರ ಇನಿಂಗ್ಸ್‌ ಒಳಗೊಂಡಿತ್ತು. ಮತ್ತೋರ್ವ ಬ್ಯಾಟ್ಸ್‌ವುಮನ್‌ ಹರ್ಮನ್‌ಪ್ರೀತ್‌ ಕೌರ್‌ 19 ಎಸೆತದಲ್ಲಿ 24 ರನ್‌ ಚಚ್ಚಿದರು. ಪರಿಣಾಮ ಭಾರತೀಯರು 18.2 ಓವರ್‌ಗೆ 5 ವಿಕೆಟ್‌ಗೆ 132 ರನ್‌ಗಳಿಸಿ ಗೆಲುವು ಸಾಧಿಸಿತು. ಭಾರತದ ಪರ ಬೌಲಿಂಗ್‌ನಲ್ಲಿ ಹರ್ಮನ್‌ಪ್ರೀತ್‌ ಕೌರ್‌ (3ಕ್ಕೆ2), ಅರುಂಧತಿ ರೆಡ್ಡಿ (19ಕ್ಕೆ2) ವಿಕೆಟ್‌ ಉರುಳಿಸಿದರು.