2nd ODI: ಆಸ್ಟ್ರೇಲಿಯ ವಿರುದ್ಧ 3 ರನ್ ಸೋಲು: ಸರಣಿ ಸೋತ ಭಾರತ ವನಿತೆಯರು

ಮುಂಬಯಿ: ಪ್ರವಾಸಿ ಆಸ್ಟ್ರೇಲಿಯ ತಂಡದೆದುರು ಶನಿವಾರ ನಡೆದ ರೋಚಕ ದ್ವಿತೀಯ ಪಂದ್ಯದಲ್ಲಿ 3 ರನ್ ಅಂತರದ ಸೋಲನ್ನು ಕಂಡ ಭಾರತೀಯ ವನಿತಾ ತಂಡ 3 ಪಂದ್ಯಗಳ ಸರಣಿಯನ್ನು(2-0) ಸೋತಿದೆ.

ಆಸ್ಟ್ರೇಲಿಯ ವನಿತೆಯರು ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. 50 ಓವರ್ ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 258 ರನ್ ಕಲೆ ಹಾಕಿದರು. ಫೋಬೆ ಲಿಚ್‌ಫೀಲ್ಡ್63, ಎಲ್ಲಿಸ್ ಪೆರ್ರಿ 50 ರನ್ ಮತ್ತು ಉಳಿದ ಆಟಗಾರ್ತಿಯರ ಕೊಡುಗೆಯಿಂದ ಉತ್ತಮ ಮೊತ್ತ ಕಲೆ ಹಾಕಿತು. ದೀಪ್ತಿ ಶರ್ಮ 5 ವಿಕೆಟ್ ಕಿತ್ತು ಗಮನ ಸೆಳೆದರು.

ಗುರಿ ಬೆನ್ನಟ್ಟಿದ ಭಾರತ 50 ಓವರ್ ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 255 ರನ್ ಮಾತ್ರ ಗಳಿಸಲು ಶಕ್ತವಾಗಿ ವೀರೋಚಿತ ಸೋಲು ಅನುಭವಿಸಿತು. ಉತ್ತಮ ಹೋರಾಟ ನೀಡಿ ಬ್ಯಾಟಿಂಗ್ ವೈಭವ ತೋರಿದ ರಿಚಾ ಘೋಷ್ 96 ರನ್ ಗಳಿಸಿ ಔಟಾಗಿ ಭಾರಿ ನಿರಾಶೆ ಅನುಭವಿಸಿದರು. ಸ್ಮೃತಿ ಮಂಧಾನ34, ಜೆಮಿಮಾ ರೋಡ್ರಿಗಸ್ 44, ದೀಪ್ತಿ ಶರ್ಮ ಔಟಾಗದೆ 24 ರನ್ ಗಳಿಸಿದರು ಜಯಲಕ್ಷ್ಮೀ ಭಾರತಕ್ಕೆ ಒಲಿಯಲಿಲ್ಲ.

ಕೊನೆಯ ಓವರ್ ನಲ್ಲಿ 16 ರನ್ ಗಳ ಅಗತ್ಯವಿತ್ತು. (4 1 1 Wd 0 1 4 )ರೂಪದಲ್ಲಿ 12 ರನ್ ಬಂದಿತು. ಶ್ರೇಯಾಂಕಾ ಪಾಟೀಲ್ ಮತ್ತು ದೀಪ್ತಿ ಶಕ್ತಿ ಮೀರಿ ಗೆಲುವು ತಂದು ಕೊಡಲು ಹೋರಾಟ ನೀಡಿದರೂ ಜಯ ಒಲಿಯಲಿಲ್ಲ.