ಕಳಪೆ ಫೀಲ್ಡಿಂಗ್‌ ಬಗ್ಗೆ ಕೊಹ್ಲಿ ಬೇಸರ

ಸಿಡ್ನಿ: ಸಂಘಟಿತ ಹೋರಾಟದ ಫ‌ಲವಾಗಿ ಮೊದಲನೇ ಏಕದಿನ ಪಂದ್ಯದಲ್ಲಿ ಆಸ್ಟ್ರೇಲಿಯ ತಂಡ 66 ರನ್‌ಗಳಿಂದ ಭಾರತದ ವಿರುದ್ದ ಗೆಲುವು ಪಡೆದಿದೆ. ಪಂದ್ಯದ ಬಳಿಕ ಪ್ರತಿಕ್ರಿಯಿಸಿದ ಟೀಮ್‌ ಇಂಡಿಯಾ ನಾಯಕ ವಿರಾಟ್‌ ಕೊಹ್ಲಿ ಗುಣಮಟ್ಟದ ತಂಡವಾಗಿ ಕಳೆಪೆ ಪೀಲ್ಡಿಂಗ್‌ ನಡೆಸಿದ್ದು ತುಂಬಾ ನಿರಾಸೆ ಮೂಡಿಸಿತು ಎಂದು ಹೇಳಿದ್ದಾರೆ.

ಗುರುವಾರದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್‌ ನಡೆಸಿದ ಆಸ್ಟ್ರೇಲಿಯ ನಿಗದಿತ 50 ಓವರ್‌ಗಳಲ್ಲಿ 6 ವಿಕೆಟಿಗೆ 374 ರನ್‌ ಗಳಿಸಿತು. ಬಳಿಕ ಗುರಿ ಬೆನ್ನತ್ತಿದ ಭಾರತ 50 ಓವರ್‌ಗಳಲ್ಲಿ 8 ವಿಕೆಟಿಗೆ 308 ರನ್‌ಗಳಿಸಲಷ್ಟೆ ಶಕ್ತವಾಗಿ ಶರಣಾಯಿತು.

“ಏಕದಿನ ಸರಣಿಗೆ ತಯಾರಿ ನಡೆಸಲು ಸಾಕಷ್ಟು ಸಮಯವಿತ್ತು ಹಾಗಾಗಿ ಮೈದಾನದಲ್ಲಿ ಒಂದು ತಂಡವಾಗಿ ವಿಫ‌ಲವಾದ ಬಗ್ಗೆ ಯಾವುದೇ ಕ್ಷಮೆಯನ್ನು ಕೇಳುವುದಿಲ್ಲ. ದೀರ್ಘ‌ ಅವಧಿಯ ಬಳಿಕ ತಂಡದ ಆಟಗಾರರು ಏಕದಿನ ಪಂದ್ಯವಾಡಿದರು ಸಾಕಷ್ಟು ಟಿ20 ಕ್ರಿಕೆಟ್‌ ಆಡಿದ್ದ ನಾವು ಗುಣಮಟ್ಟದ ಫೀಲ್ಡಿಂಗ್‌ ನಡೆಸುವಲ್ಲಿ ವಿಫ‌ಲವಾದೆವು ಎಂದು ಕೊಹ್ಲಿ ಬೇಸರ ವ್ಯಕ್ತಪಡಿಸಿದ್ದಾರೆ.