India Series-2025, 2029: ಟೆಸ್ಟ್‌ ತಾಣ ಪ್ರಕಟಿಸಿದ ಇಂಗ್ಲೆಂಡ್‌

ಲಂಡನ್‌: ಇಂಗ್ಲೆಂಡ್‌ ಮತ್ತು ವೇಲ್ಸ್‌ ಕ್ರಿಕೆಟ್‌ ಮಂಡಳಿ (ಇಸಿಬಿ) 2025-2031ರ ಅವಧಿಯ ತವರಿನ ಕ್ರಿಕೆಟ್‌ ಸರಣಿಗಳ ವೇಳಾಪಟ್ಟಿ ಯನ್ನು ಬಿಡುಗಡೆ ಮಾಡಿದೆ. ಇದರಲ್ಲಿ ಭಾರತ ತಂಡದ 2025 ಮತ್ತು 2029ರ ಪ್ರವಾಸವೂ ಸೇರಿದೆ.

“ಐಸಿಸಿ ಫ್ಯೂಚರ್‌ ಟೂರ್‌ ಪ್ರೋಗ್ರಾಂ’ ಪ್ರಕಾರ ಭಾರತ ತಂಡ 2025ರ ಜೂನ್‌ ತಿಂಗಳಲ್ಲಿ ಇಂಗ್ಲೆಂಡ್‌ ಪ್ರವಾಸ ಕೈಗೊಳ್ಳಲಿದೆ. ಈ ಸರಣಿಯಲ್ಲಿ 5 ಟೆಸ್ಟ್‌ ಪಂದ್ಯಗಳನ್ನು ಆಡಲಾಗುವುದು.

ಲಾರ್ಡ್ಸ್‌,ಓವಲ್‌, ಎಜ್‌ಬಾಸ್ಟನ್‌, ಹೇಡಿಂಗ್ಲೆ ಮತ್ತು ಓಲ್ಡ್‌ ಟ್ರಾಫ‌ರ್ಡ್‌ನಲ್ಲಿ ಈ ಪಂದ್ಯಗಳು ನಡೆಯಲಿವೆ.

ಅನಂತರದ 2029ರ ಸರಣಿಯ ಟೆಸ್ಟ್‌ ತಾಣಗಳೂ ಅಂತಿಮಗೊಂಡಿವೆ. ಒಂದು ಬದಲಾವಣೆಯೆಂದರೆ, ಮೇಲಿನ 5 ತಾಣಗಳಲ್ಲಿದ್ದ ಹೇಡಿಂಗ್ಲೆ ಬದಲು ಸೌತಾಂಪ್ಟನ್‌ನ ರೋಸ್‌ಬೌಲ್‌ ಸ್ಟೇಡಿಯಂಗೆ ಅವಕಾಶ ನೀಡಲಾಗಿದೆ. ಭಾರತ 2007ರ ಬಳಿಕ ಇಂಗ್ಲೆಂಡ್‌ನ‌ಲ್ಲಿ ಟೆಸ್ಟ್‌ ಸರಣಿ ಜಯಿಸಿಲ್ಲ.

ಇಂಗ್ಲೆಂಡ್‌ ತಂಡ 2024ರಲ್ಲಿ ಭಾರತಕ್ಕೆ ಪ್ರವಾಸ ಕೈಗೊಳ್ಳಲಿದೆ. ಆಗಲೂ 5 ಟೆಸ್ಟ್‌ಗಳನ್ನು ಆಡಲಾಗುವುದು.