Kejriwal Arrest Case; ಭಾರತ ಈ ದೇಶಗಳಿಂದ ಪಾಠ ಕಲಿಯಬೇಕಿಲ್ಲ…: ಜಗದೀಪ್ ಧನ್ಕರ್ ತಿರುಗೇಟು

ಹೊಸದಿಲ್ಲಿ: ದೆಹಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್ ಅವರ ಬಂಧನದ ಬಗ್ಗೆ ಚಕಾರವೆತ್ತಿರುವ ಅಮೆರಿಕ, ಜರ್ಮನಿ ಮತ್ತು ಯುನ್ ಗಳಿಗೆ ಉಪ ರಾಷ್ಟ್ರಪತಿ ಜಗದೀಪ್ ಧನ್ಕರ್ ತಿರುಗೇಟು ನೀಡಿದ್ದು, ದೃಢವಾದ ನ್ಯಾಯಾಂಗ ವ್ಯವಸ್ಥೆಯನ್ನು ಹೊಂದಿರುವ ಸಾರ್ವಭೌಮ ರಾಷ್ಟ್ರವಾಗಿ ಭಾರತದ ನಿಲುವನ್ನು ದೃಢಪಡಿಸಿದ್ದಾರೆ.

ನವದೆಹಲಿಯಲ್ಲಿ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಪಬ್ಲಿಕ್ ಅಡ್ಮಿನಿಸ್ಟ್ರೇಷನ್‌ನ 70 ನೇ ಸಂಸ್ಥಾಪಕರ ದಿನಾಚರಣೆಯಲ್ಲಿ ಭಾಗವಹಿಸಿ ಮಾತನಾಡಿದ ಧನ್ಕರ್, ಭಾರತಕ್ಕೆ ಕಾನೂನಿನ ನಿಯಮದ ಕುರಿತು ಯಾವುದೇ ದೇಶದಿಂದ ಪಾಠಗಳ ಅಗತ್ಯವಿಲ್ಲ ಎಂದು ಒತ್ತಿ ಹೇಳಿದರು.

“ಇತ್ತೀಚೆಗೆ, ಜನರು ನಮಗೆ ಕಾನೂನಿನ ನಿಯಮದ ಬಗ್ಗೆ ಹೇಳುತ್ತಿದ್ದಾರೆ. ಯುರೋಪಿನ ಒಂದು ದೇಶ, ಅಭಿವೃದ್ಧಿ ಹೊಂದಿದ ಪ್ರಜಾಪ್ರಭುತ್ವವು ಅವರೊಳಗೆ ಯೋಚಿಸಬೇಕಾಗಿದೆ. ಅವರು ತಮ್ಮ ಸ್ವಂತ ವ್ಯವಹಾರಗಳನ್ನು ನೋಡಿಕೊಳ್ಳಬೇಕಿದೆ”ಎಂದು ಹೇಳಿದರು. ತನ್ನ ಆಂತರಿಕ ವಿಷಯಗಳನ್ನು ಸ್ವತಂತ್ರವಾಗಿ ನಿರ್ವಹಿಸುವ ಭಾರತದ ಸಾಮರ್ಥ್ಯವನ್ನು ಪ್ರತಿಪಾದಿಸಿದರು.

“ಕಾನೂನಿನ ಸಮಾನತೆ ಇಂದು ಭಾರತದಲ್ಲಿ ‘ಹೊಸ ರೂಢಿ’ಯಾಗಿದೆ. ಕಾನೂನನ್ನು ಮೀರಿದವರೆಂದು ಭಾವಿಸಿದವರನ್ನು ಕಾನೂನು ಹೊಣೆಗಾರರನ್ನಾಗಿ ಮಾಡುತ್ತಿದೆ” ಎಂದು ಅವರು ಹೇಳಿದರು. “ಆದರೆ ನಾವು ಏನು ನೋಡುತ್ತೇವೆ? ಕಾನೂನು ಅದರ ಹಾದಿಯನ್ನು ತೆಗೆದುಕೊಂಡ ಕ್ಷಣ, ಅವರು ಬೀದಿಗಿಳಿಯುತ್ತಾರೆ, ಹೆಚ್ಚಿನ ಸದ್ದಿನ ಚರ್ಚೆಗಳು, ಮಾನವ ಹಕ್ಕುಗಳ ಮೂಲಕ ಕೆಟ್ಟ ಸ್ವಭಾವದ ಅಪರಾಧವನ್ನು ಮರೆಮಾಚುತ್ತಾರೆ. ಇದು ನಮ್ಮ ಮೂಗಿನ ಕೆಳಗೆ ನಡೆಯುತ್ತಿದೆ,” ಅವರು ಉಪ ರಾಷ್ಟ್ರಪತಿ ಹೇಳಿದರು.