2021ರಲ್ಲಿ ಕೋವಿಡ್ ಲಸಿಕೆ ವಿತರಣೆಗೆ 80 ಸಾವಿರ ಕೋಟಿ ರೂಪಾಯಿ ಅಗತ್ಯವಿದೆ: ಸೇರಂ

ನವದೆಹಲಿ: ಮುಂದಿನ ಒಂದು ವರ್ಷದ ಕಾಲ ಕೋವಿಡ್ ಲಸಿಕೆ ವಿತರಿಸಲು ಸುಮಾರು 80 ಸಾವಿರ ಕೋಟಿ ರೂಪಾಯಿಯಷ್ಟು ಬೃಹತ್ ಮೊತ್ತದ ಅಗತ್ಯವಿದೆ ಎಂದು ಪುಣೆ ಮೂಲದ ಲಸಿಕೆ ತಯಾರಿಕಾ ಸೇರಂ ಸಂಸ್ಥೆ ತಿಳಿಸಿದೆ. ಸೇರಂ ಆಕ್ಸ್ ಫರ್ಡ್-ಆಸ್ಟ್ರಾಜೆನಿಕಾ ಲಸಿಕೆ ಉತ್ಪಾದನಾ ಆಸ್ಟ್ರಾಜೆನಿಕಾ ಸಂಸ್ಥೆ ಜತೆ ಪಾಲುದಾರಿಕೆ ಹೊಂದಿದೆ.

2021ರಲ್ಲಿ ಮೊದಲ ಹಂತವಾಗಿ ಸುಮಾರು 30 ಕೋಟಿ ಜನರಿಗೆ ಕೋವಿಡ್ ಲಸಿಕೆ ನೀಡಲು ಕೇಂದ್ರ ಸರ್ಕಾರ ಯೋಜನೆ ಸಿದ್ದಪಡಿಸಿದೆ. ಇದರಲ್ಲಿ ಸುಮಾರು ಒಂದು ಕೋಟಿ ಆರೋಗ್ಯ ಕಾರ್ಯಕರ್ತರು, 2 ಕೋಟಿ ಆಶಾ ಕಾರ್ಯಕರ್ತೆಯರು ಹಾಗೂ ತುರ್ತು ಅಗತ್ಯದ ಕಾರ್ಯಕರ್ತರು ಮತ್ತು 27 ಕೋಟಿ ಹಿರಿಯ ವ್ಯಕ್ತಿಗಳಿಗೆ ಲಸಿಕೆ ನೀಡಲು ನಿರ್ಧರಿಸಲಾಗಿದೆ ಎಂದು ವರದಿ ವಿವರಿಸಿದೆ.

ಸೇರಂ ಇನ್ಸ್ ಟ್ಯೂಟ್, ಭಾರತ್ ಬಯೋಟೆಕ್ ನ ಕೋವ್ಯಾಕ್ಸಿನ್ ಮತ್ತು ಪೈಜ್ನರ್ ಲಸಿಕೆ ಸಂಸ್ಥೆಗಳು ತುರ್ತು ಲಸಿಕೆ ನೀಡುವ ಅನುಮತಿಗಾಗಿ ಕಾಯುತ್ತಿರುವುದಾಗಿ ವರದಿ ತಿಳಿಸಿದೆ. ಹೆಚ್ಚುವರಿ ಅಂಕಿಅಂಶಕ್ಕಾಗಿ ಸೇರಂ ಮತ್ತು ಭಾರತ್ ಬಯೋಟೆಕ್ ಗೆ ಅನುಮತಿ ಪಡೆಯುವಂತೆ ಸಿಡಿಎಸ್ ಸಿಒ ಸೂಚಿನೆ ನೀಡಿದೆ.

ಲಸಿಕೆ ವಿತರಣೆ ಬಗ್ಗೆ ಅನುಮತಿ ಪಡೆದ ಸೇರಂ ಕಾರ್ಯಕಾರಿ ನಿರ್ದೇಶಕ ಡಾ.ಸತೀಶ್ ಡಿ.ರಾವೆಟ್ಕರ್ ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದು, ಭಾರೀ ಪ್ರಮಾಣದ ಲಸಿಕೆ ವಿತರಣೆಗೆ ಬೃಹತ್ ಮೊತ್ತದ ಅಗತ್ಯವಿದೆ. ಈ ನಿಟ್ಟಿನಲ್ಲಿ ಮುಂದಿನ ಒಂದು ವರ್ಷದ ಕೋವಿಡ್ ಲಸಿಕೆ ವಿತರಣೆಗೆ ಅಗತ್ಯವಿರುವ 80,000 ಕೋಟಿ ರೂಪಾಯಿ ಮೊತ್ತ ನೀಡಲು ಕೇಂದ್ರ ಸರ್ಕಾರ ಸಿದ್ದವಾಗಿದೆ ಎಂದು ಹೇಳಿದರು.