Advertisement
ಲೀಗ್‌ ಪಂದ್ಯಗಳಿಗೆ ಮೀಸಲು ದಿನ ಅಥವಾ ಪರ್ಯಾಯ ವ್ಯವಸ್ಥೆ ಇಲ್ಲದಿರುವುದರಿಂದ ಅಂಕವನ್ನು ಹಂಚುವುದು ಸದ್ಯದ ಮಟ್ಟಿಗೆ ಅನಿವಾರ್ಯ. ಇದರಿಂದ ಕೂಟದ ಅಷ್ಟೂ ಲೆಕ್ಕಾಚಾರ ತಲೆ ಕೆಳಗಾಗುವುದು ಖಂಡಿತ.
ಕಳೆದ 2 ದಿನಗಳಿಂದ ಇಂಗ್ಲೆಂಡ್‌ನ‌ಲ್ಲಿ ಸತತವಾಗಿ ಮಳೆಯಾಗುತ್ತಿದೆ. ನಾಟಿಂಗ್‌ಹ್ಯಾಮ್‌ನಲ್ಲಿ ಸಾರ್ವಜನಿಕರಿಗೆ ಒಂದು ವಾರ ಕಾಲ ‘ಯೆಲ್ಲೋ ವಾರ್ನಿಂಗ್‌’ಜಾರಿಗೊಳಿಸಲಾಗಿದೆ ಎಂದು ‘ನಾಟಿಂಗ್‌ಹ್ಯಾಮ್‌ ಪೋಸ್ಟ್‌’ ವರದಿ ಮಾಡಿದೆ. 3 ಬಣ್ಣಗಳಲ್ಲಿ ಮಳೆ ಎಚ್ಚರಿಕೆಯನ್ನು ನೀಡುವುದು ಯು.ಕೆ. ಹವಾಮಾನ ಇಲಾಖೆಯ ಕ್ರಮ. ‘ಯೆಲ್ಲೋ ವಾರ್ನಿಂಗ್‌’ ಪ್ರಕಾರ ಇದೇನೂ ಭಾರೀ ಅನಾಹುತದ ಮಳೆಯಲ್ಲ, ಸಾರ್ವಜನಿಕರು ಈ ಮಳೆಯನ್ನು ನಿಭಾಯಿಸಬಹುದಾಗಿದೆ. ಆದರೆ ಕ್ರಿಕೆಟ್ ಪಂದ್ಯದ ಅಡಚಣೆಗೆ ಇದು ಧಾರಾಳ ಸಾಕು!
ಕಾಡುತ್ತಿದೆ ತೀವ್ರ ಚಳಿ
ನಾಟಿಂಗ್‌ಹ್ಯಾಮ್‌ನಲ್ಲಿ ಸತತ ಮಳೆಯಾಗುತ್ತಿದ್ದು, ಇದು ಬುಧವಾರ ಸಂಜೆ 7 ಗಂಟೆ ತನಕ ಮುಂದುವರಿಯಲಿದೆ. ಇಲ್ಲಿಗೆ ಮಳೆಗೆ ಒಂದು ಹಂತದ ವಿರಾಮ ಸಿಗಲಿದೆ. ಗುರುವಾರ ಅಪರಾಹ್ನ ಸಣ್ಣ ಪ್ರಮಾಣದಲ್ಲಿ ಮಳೆಯಾಗಲಿದ್ದು, ಗರಿಷ್ಠ ತಾಪಮಾನ 13 ಡಿಗ್ರಿ ಸಿ.. ಕನಿಷ್ಠ ತಾಪಮಾನ 10-11 ಡಿಗ್ರಿ ಸಿ. ಆಗಿರಲಿದೆ. ಈ ತೀವ್ರ ಚಳಿಯ ತಾಪಮಾನವನ್ನು ಸಹಿಸಿಕೊಳ್ಳುವುದು ಭಾರತೀಯ ಕ್ರಿಕೆಟಿಗರಿಗೆ ದೊಡ್ಡ ಸಮಸ್ಯೆಯಾಗಿ ಕಾಡಬಹುದು. ಆದರೆ ನ್ಯೂಜಿಲ್ಯಾಂಡಿಗೆ ಇಂಥ ವಾತಾವರಣದಲ್ಲಿ ಆಡಿದ ಅಭ್ಯಾಸವಿದೆ.