ಭಾರತದಲ್ಲಿ ಕೋವಿಡ್19 ಹೊಸ ಪ್ರಕರಣಗಳ ಸಂಖ್ಯೆಯಲ್ಲಿ ಶೇ.13 ಇಳಿಕೆ : ಡಬ್ಲ್ಯು ಎಚ್‌ ಒ

ವಾಷಿಂಗ್ಟನ್ :  ಕಳೆದ ವಾರದಲ್ಲಿ ಭಾರತವು ಹೊಸ ಕೋವಿಡ್ -19 ಪ್ರಕರಣಗಳಲ್ಲಿ ಸಂಖ್ಯೆಯಲ್ಲಿ ಶೇಕಡಾ 13 ರಷ್ಟು ಇಳಿಕೆ ದಾಖಲಿಸಿದೆ. ಆದರೆ ಅತಿ ಹೆಚ್ಚು ಹೊಸ ಸೋಂಕುಗಳು ಪತ್ತೆಯಾಗುತ್ತಿರುವ ವಿಶ್ವದ ಇತರ ದೇಶಗಳ ಪಟ್ಟಿಯಲ್ಲಿ ಭಾರತ ಮೊದಲ ಸ್ಥಾನದಲ್ಲಿಯೇ ಇದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ(ಡಬ್ಲ್ಯು ಎಚ್‌ ಒ) ಹೇಳಿದೆ.

ಹೊಸ ಕೋವಿಡ್ ಪ್ರಕರಣಗಳು ಮತ್ತು ಸಾವುಗಳ ಸಂಖ್ಯೆ ಕೇವಲ 4.8 ಮಿಲಿಯನ್ ಹೊಸ ಪ್ರಕರಣಗಳೊಂದಿಗೆ ಕಡಿಮೆಯಾಗುತ್ತಲೇ ಇದೆ ಮತ್ತು ಕಳೆದ ವಾರದಲ್ಲಿ ಜಾಗತಿಕವಾಗಿ 86,000 ಹೊಸ ಸಾವುಗಳು ವರದಿಯಾಗಿವೆ, ಹಿಂದಿನ ವಾರಕ್ಕೆ ಹೋಲಿಸಿದರೆ ಕ್ರಮವಾಗಿ ಶೇಕಡಾ 12 ಮತ್ತು 5 ರಷ್ಟು ಕಡಿಮೆಯಾಗಿದೆ ಎಂದು ವೀಕ್ಲಿ ಕೋವಿಡ್ 19 ಎಪಿಡೆಮಿಲಾಜಿಕಲ್ ಅಪ್ಡೇಟ್ ತಿಳಿಸಿದೆ.

ಇದನ್ನೂ ಓದಿ : ಉಮಾಶ್ರೀ ಮೇಡಮ್ ಮಹಾರಾಷ್ಟ್ರದ ಸಾವು-ನೋವು ಕಾಣ್ತಿಲ್ವಾ? : ಶಾಸಕ ಸಿದ್ದು ಸವದಿ

ಕಳೆದ ಒಂದು ವಾರದಲ್ಲಿ ಭಾರತದಿಂದ ಅತಿ ಹೆಚ್ಚು ಹೊಸ ಕೋವಿಡ್  ಪ್ರಕರಣಗಳು ವರದಿಯಾಗಿವೆ (2,387,663 ಹೊಸ ಪ್ರಕರಣಗಳು) ಆದರೇ, ಹಿಂದಿನ ವಾರಕ್ಕಿಂತ ಶೇ 13 ರಷ್ಟು ಕಡಿಮೆಯಾಗಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ತಿಳಿಸಿದೆ.

ಇನ್ನು, ಕಳೆದ ವಾರವೊಂದರಲ್ಲಿ ಬ್ರೆಜಿಲ್ 437,076 ಹೊಸ ಪ್ರಕರಣಗಳು(ಹಿಂದಿನ ವಾರಕ್ಕಿಂತ 3 ಶೇಕಡಾ ಹೆಚ್ಚಳ), ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೇರಿಕಾ 235,638 ಹೊಸ ಕೋವಿಡ್ ಪ್ರಕರಣಗಳು (ಹಿಂದಿನ ವಾರಕ್ಕಿಂತ 21 ಶೇಕಡಾ ಕಡಿಮೆ), ಅರ್ಜೆಂಟೀನಾ 151,332 ಹೊಸ ಕೋವಿಡ್ ಪ್ರಕರಣಗಳು(ಹಿಂದಿನ ವಾರಕ್ಕಿಂತ 8 ಶೇಕಡಾ ಹೆಚ್ಚಳ) ಮತ್ತು ಕೊಲಂಬಿಯಾದಿಂದ 115,834 ಹೊಸ ಕೋವಿಡ್ ಪ್ರಕರಣಗಳು(ಹಿಂದಿನ ವಾರಕ್ಕಿಂತ ಶೇಕಡಾ 6 ರಷ್ಟು ಹೆಚ್ಚಳ) ದಾಖಲಾಗಿವೆ ಎಂದು ತಿಳಿಸಿದೆ.

ಸಾವಿನ ಪ್ರಮಾಣವೂ ಕೂಡ ಕಳೆದ ವಾರದಲ್ಲಿ ಭಾರತದಿಂದ ಅತಿ ಹೆಚ್ಚು ವರದಿಯಾಗಿವೆ. ಕಳೆದ ಒಂದು ವಾರದಲ್ಲಿ 27,922 ಮಂದಿ ಕೋವಿಡ್ ನಿಂದ ಸಾವನ್ನಪ್ಪಿದರೇ(100 000 ಕ್ಕೆ 2.0 ಸಾವುಗಳು; ಹಿಂದಿನ ವಾರಕ್ಕಿಂತ 4 ಶೇಕಡಾ ಹೆಚ್ಚಳ), ನೇಪಾಳದಲ್ಲಿ 1,224 ಮಂದಿ ಕೋವಿಡ್ ನಿಂದ ಮೃತ ಪಟ್ಟಿದ್ದಾರೆ(100 000 ಕ್ಕೆ 4.2 ಸಾವುಗಳು; 266 ಶೇಕಡಾ ಹೆಚ್ಚಳ). ಇಂಡೋನೇಷ್ಯಾದಲ್ಲಿ 1,125 ಹೊಸ ಸಾವುಗಳು (100,000 ಕ್ಕೆ 0.4 ಹೊಸ ಸಾವುಗಳು; ಹಿಂದಿನ ವಾರಕ್ಕಿಂತ ಶೇಕಡಾ 5 ರಷ್ಟು ಇಳಿಕೆ) ದಾಖಲಾಗಿವೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಮಾಹಿತಿ ನೀಡಿದೆ.

ಇದನ್ನೂ ಓದಿ : ಆಮ್ಲಜನಕ ಸೌಲಭ್ಯವುಳ್ಳ ಹಾಸಿಗೆಗಳ ಕೋವಿಡ್ ಕೇರ್ ಸೆಂಟರ್ ಗೆ ಮುಖ್ಯಮಂತ್ರಿ ಚಾಲನೆ