ಮಾರ್ಕೋನಿ ಪ್ರಶಸ್ತಿ ಗಳಿಸಿದ ಕನ್ನಡಿಗ ಅರುಣ್‌

ವಾಷಿಂಗ್ಟನ್‌: ಕನ್ನಡಿಗ, ಅಂಕೋಲಾದ ಅರುಣ್‌ ನೇತ್ರಾವಳಿ ಅವರು 2017ನೇ ಸಾಲಿನ ಮಾರ್ಕೋನಿ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ಡಿಜಿಟಲ್‌ ಟೀವಿ, ಹೈಡೆಫಿನಿಶನ್‌ ಟಿವಿ ಮತ್ತು ಸ್ಟ್ರೀಮಿಂಗ್‌ ವಿಡಿಯೋಗಳಲ್ಲಿ ವ್ಯಾಪಕ ಸಂಶೋಧನೆಗಳ ಮೂಲಕ ಡಿಜಿಟಲ್‌ ವಿಡಿಯೋ ಕ್ರಾಂತಿಗೆ ಅರುಣ್‌ ಅವರು ಗಣನೀಯ ಕೊಡುಗೆ ನೀಡಿದ್ದಾರೆ. ಸದ್ಯ ಅಮೆರಿಕದಲ್ಲಿ ವಾಸವಿರುವ ಅರುಣ್‌ ಅವರು ಮೂಲತಃ ಉತ್ತರ ಕನ್ನಡದ ಅಂಕೋಲದವರಾಗಿದ್ದು, ಮುಂಬೈ ಐಐಟಿಯಲ್ಲಿ ಪದವಿ ಪಡೆದಿದ್ದಾರೆ.

1967ರಲ್ಲಿ ಅವರು ಅಮೆರಿಕದ ರೈಸ್‌ ವಿವಿಯಲ್ಲಿ ಡಾಕ್ಟರೆಟ್‌ ಪದವಿ ಪಡೆದಿದ್ದು, ಪ್ರಸಿದಟಛಿ ಬೆಲ್‌ ಲ್ಯಾಬ್ ನ ಅಧ್ಯಕ್ಷರಾಗಿಯೂ ಕಾರ್ಯನಿರ್ವಹಿಸಿದ್ದಾರೆ. ತಮ್ಮ ಸಂಶೋಧನೆ ಮೂಲಕ ಮಾನವ ಜನಾಂಗಕ್ಕೆ ನೀಡಿದ ಕೊಡುಗೆಗಾಗಿ ಅವರಿಗೆ ಈ ಪ್ರಶಸ್ತಿ ನೀಡಲಾಗುತ್ತಿದೆ ಎಂದು ಮಾರ್ಕೋನಿ ಪ್ರಶಸ್ತಿ ನೀಡುವ ಸಮಿತಿ ಹೇಳಿದೆ. ಪ್ರಶಸ್ತಿ ಪುರಸ್ಕೃತರಿಗೆ 65 ಲಕ್ಷ ರೂ. ನಗದು ಹಾಗೂ ಪ್ರಶಸ್ತಿ ಪತ್ರ ಸಿಗಲಿದೆ. ರೇಡಿಯೋ ಆವಿಷ್ಕರಿಸಿದ ಮಾರ್ಕೋನಿ ಅವರ ಹೆಸರಲ್ಲಿ ಈ ಪ್ರಶಸ್ತಿಯನ್ನು ನೀಡಲಾಗುತ್ತಿದೆ.