ಡೇವಿಸ್ ಕಪ್: ಡೆನ್ಮಾರ್ಕ್‌ ವಿರುದ್ಧ ಪಂದ್ಯಕ್ಕೆ ಭಾರತ ತಂಡ ಪ್ರಕಟ

ಹೊಸದಿಲ್ಲಿ: ಡೆನ್ಮಾರ್ಕ್‌ ವಿರುದ್ಧ ಆಡಲಾಗುವ ಡೇವಿಸ್‌ ಕಪ್‌ ವರ್ಲ್ಡ್ ಗ್ರೂಪ್‌ 1 ಪ್ಲೇ ಆಫ್ ಟೆನಿಸ್‌ ಕೂಟಕ್ಕಾಗಿ ಭಾರತ ತಂಡ ಪ್ರಕಟಗೊಂಡಿದೆ.

ಶಶಿಕುಮಾರ್‌ ಮುಕುಂದ್‌, ಪ್ರಜ್ಞೇಶ್ ಗುಣೇಶ್ವರನ್‌, ರಾಮ್‌ಕುಮಾರ್‌ ರಾಮನಾಥನ್‌, ರೋಹನ್‌ ಬೋಪಣ್ಣ ಮತ್ತು ಯೂಕಿ ಭಾಂಬ್ರಿ ತಂಡಕ್ಕೆ ಆಯ್ಕೆಯಾಗಿದ್ದಾರೆ.

ಸುಮಿತ್‌ ನಾಗಲ್‌ ಮೀಸಲು ಆಟಗಾರ. ತಂಡದ ಆಡದ ನಾಯಕರಾಗಿ ರೋಹಿತ್‌ ರಾಜ್‌ಪಾಲ್‌ ಮುಂದುವರಿದಿದ್ದಾರೆ.

2022ರಲ್ಲಿ ಹೊಸದಿಲ್ಲಿಯಲ್ಲಿ ನಡೆದ ವರ್ಲ್ಡ್ ಗ್ರೂಪ್‌ 1 ಪ್ಲೇ ಆಫ್ ಪಂದ್ಯಾವಳಿಯಲ್ಲಿ ಭಾರತ ತಂಡ ಡೆನ್ಮಾರ್ಕ್‌ಗೆ 4-0 ಅಂತರದಿಂದ ಸೋಲುಣಿಸಿತ್ತು.

ಈ ಸಲದ ಪಂದ್ಯಾವಳಿ ಫೆ. 3 ಮತ್ತು 4ರಂದು ಡೆನ್ಮಾರ್ಕ್‌ನ ಹಿಲ್ಲೆರಾಡ್‌ನ‌ಲ್ಲಿರುವ “ರಾಯಲ್‌ ಸ್ಟೇಜ್‌ ಸ್ಟೇಡಿಯಂ’ನಲ್ಲಿ ನಡೆಯಲಿದೆ.