High Court: ಗುಂಪು ಗಲಭೆ ಸಂತ್ರಸ್ತರಿಗೆ ಪರಿಹಾರ ಹೆಚ್ಚಳ

ಬೆಂಗಳೂರು: ಗುಂಪು ಗಲಭೆ ಪ್ರಕರಣಗಳಲ್ಲಿ ಸಂತ್ರಸ್ತರಾದವರಿಗೆ ನೀಡುವ ಪರಿಹಾರದ ಮೊತ್ತವನ್ನು ದ್ವಿಗುಣಗೊಳಿಸಿ ರಾಜ್ಯ ಸರಕಾರ ಆದೇಶಿಸಿದೆ.

ಹೈಕೋರ್ಟ್‌ ಆದೇಶದ ಮೇರೆಗೆ ಕರ್ನಾಟಕ ಸಂತ್ರಸ್ತ ಪರಿಹಾರ ಯೋಜನೆ-2011ರ ಅಡಿಯಲ್ಲಿ ಪರಿಹಾರದ ಮೊತ್ತವನ್ನು ಹೆಚ್ಚಳ ಮಾಡಲಾಗಿದ್ದು, ಕುಟುಂಬಸ್ಥರಿಗೆ ಪರಿಹಾರದ ಮೊತ್ತ ಕೊಡಲಾಗುತ್ತದೆ.

ಪ್ರಾಣ ಹಾನಿ-5 ಲಕ್ಷ ರೂ.ಗಳಿಂದ 10 ಲಕ್ಷ ರೂ., ಪುನರ್ವಸತಿ ಕಲ್ಪಿಸುವಂತಹ ತೀವ್ರತರ ಗಾಯವಾದರೆ 1 ಲಕ್ಷಗಳಿಂದ 2 ಲಕ್ಷ, ಶೇ. 80ರಷ್ಟು ಅಂಗವೈಕಲ್ಯ ಉಂಟಾದರೆ 2 ರಿಂದ 5 ಲಕ್ಷ ರೂ., ಶೇ. 40 ರಿಂದ 80ರಷ್ಟು ಅಂಗವೈಕಲ್ಯ ಉಂಟಾದರೆ 2 ರಿಂದ 4 ಲಕ್ಷ ರೂ., ಶೇ. 20ರಿಂದ 40ರಷ್ಟು ಊನವಾದರೆ 1 ರಿಂದ 3 ಲಕ್ಷ ಹಾಗೂ ಶೇ. 20ಕ್ಕಿಂತ ಕಡಿಮೆ ವೈಕಲ್ಯ ಉಂಟಾದರೆ 1 ರಿಂದ 2 ಲಕ್ಷರೂ.ಗೆ ಪರಿಹಾರ ಮೊತ್ತ ಹೆಚ್ಚಳ ಮಾಡಲಾಗಿದೆ.