5 ವರ್ಷಗಳಲ್ಲಿ ತೆರಿಗೆ ಸಂಗ್ರಹ ಹೆಚ್ಚಳ

ಹೊಸದಿಲ್ಲಿ: ನೇರ ತೆರಿಗೆ ಸಂಗ್ರಹದಲ್ಲಿ ಹಿಂದಿನ ಐದು ವರ್ಷಗಳಿಗೆ ಹೋಲಿಕೆ ಮಾಡಿದರೆ ಶೇ.46ರಷ್ಟು ಹೆಚ್ಚಳವಾಗಿದೆ. 2011-12 ಮತ್ತು 2016-17 ಹೆಚ್ಚಳದ ಪ್ರಮಾಣ ಇದಾಗಿದೆ. ವಾರ್ಷಿಕ ಒಟ್ಟಾರೆ ತೆರಿಗೆ ಪಾವತಿದಾರರ ಪ್ರಮಾಣ ಶೇ.7.9ರಷ್ಟು, ವೈಯಕ್ತಿಕ ತೆರಿಗೆ ಪಾವತಿದಾರರ ಪ್ರಮಾಣ ಶೇ.8.2ರಷ್ಟು ವೃದ್ಧಿಯಾಗಿದೆ.

2016-17ನೇ ಸಾಲಿನಲ್ಲಿ ತೆರಿಗೆ ಪಾವತಿದಾರರ ಸಂಖ್ಯೆ 6.41 ಕೋಟಿಗೆ ಏರಿಕೆಯಾಗಿದೆ. 2011-12ನೇ ಸಾಲಿನಲ್ಲಿ ಈ ಸಂಖ್ಯೆ 4.38 ಆಗಿತ್ತು. ಹೀಗಾಗಿ 125 ಕೋಟಿ ಜನಸಂಖ್ಯೆಯ ಪೈಕಿ ಶೇ.4.86 ಮಾತ್ರ ತೆರಿಗೆ ಪಾವತಿ ಮಾಡುತ್ತಾರೆ ಎಂಬ ಅಂಶ ದೃಢಪಟ್ಟಿದೆ. ಜತೆಗೆ ನೋಟು ಅಮಾನ್ಯದ ಬಳಿಕ ಆದಾಯ ತೆರಿಗೆ ಇಲಾಖೆ ಕೆಲಸ ಕಾರ್ಯಗಳನ್ನು ಇಮ್ಮಡಿಗೊಳಿಸಿದೆ. 2014-15ನೇ ಸಾಲಿನಲ್ಲಿ 545 ಶೋಧ ಕಾರ್ಯಾಚರಣೆ ನಡೆಸಿ 762 ಕೋಟಿ ರೂ. ಮೌಲ್ಯ ಆಸ್ತಿ ಪತ್ತೆಹಚ್ಚಿದೆ. 2017-18ನೇ ವಿತ್ತೀಯ ವರ್ಷದ‌ಲ್ಲಿ 360 ಶೋಧ ಕಾರ್ಯಾಚರಣೆ ನಡೆಸಿದೆ.