ಶಾನಾಡಿ: ಚಾಲಕನ ನಿಯಂತ್ರಣ ತಪ್ಪಿ ಲಾರಿ ಪಲ್ಟಿ ; ತಪ್ಪಿದ ಅನಾಹುತ

ತೆಕ್ಕಟ್ಟೆ: ಕುಂದಾಪುರ ತಾಲೂಕಿನ ಕೆದೂರು ಗ್ರಾಮ ಪಂಚಾಯತ್‌ ವ್ಯಾಪ್ತಿಯ ಶಾನಾಡಿ- ಶಿರಿಯಾರ ಸಂಪರ್ಕ ಕಲ್ಪಿಸುವ ರಸ್ತೆ ತಿರುವಿನಲ್ಲಿ ಕೆದೂರು ಗೇರು ಬೀಜ ಕಾರ್ಖಾನೆಯಿಂದ ಹೆಬ್ರಿ ಕಡೆಗೆ ಗೇರು ಸಿಪ್ಪೆ ಸಾಗಿಸುತ್ತಿದ್ದ ಲಾರಿ ಚಾಲಕನ ನಿಯಂತ್ರಣ ತಪ್ಪಿ ಬಿದ್ದ ಘಟನೆ ಸೋಮವಾರ ರಾತ್ರಿ ಸಂಭವಿಸಿದೆ.

ತಪ್ಪಿದ ಅನಾಹುತ : ಶಾನಾಡಿ ತಿರುವಿನಲ್ಲಿರುವ ಮೋರಿಯ ಸಮೀಪದಲ್ಲಿ ಸಂಜೆ ವೇಳೆಗೆ ಪರಿಸರದ ಮಂದಿ ಸದಾ ಜಮಾಯಿಸುತ್ತಿದ್ದರು.

ಘಟನೆ ಸಂಭವಿಸುವ ಸಂದರ್ಭದಲ್ಲಿ ಯಾರು ಕೂಡಾ ಇಲ್ಲದೆ ಇರುವ ಪರಿಣಾಮ ಸಂಭವನೀಯ ಅವಘಡವೊಂದು ತಪ್ಪಿದಂತಾಗಿದೆ.