ಅಂತಾರಾಷ್ಟ್ರೀಯ ಷೇರು ಮಾರುಕಟ್ಟೆ ಉದ್ಘಾಟನೆ

ಗಾಂಧಿನಗರ: ವಿದೇಶಿ ಷೇರು ಮಾರುಕಟ್ಟೆಯಲ್ಲಿ ವಹಿವಾಟು ನಡೆಸಲು ಅನುಕೂಲವಾಗುವಂತೆ ಇಲ್ಲಿನ ಗಿಫ್ಟ್ ಸಿಟಿಯಲ್ಲಿ ನಿರ್ಮಿಸಲಾಗಿರುವ ದೇಶದ ಮೊದಲ, ಅಂತಾರಾಷ್ಟ್ರೀಯ ಷೇರು ಮಾರುಕಟ್ಟೆ “ಇಂಡಿಯಾ ಐಎನ್‌ಎಕ್ಸ್‌’ಗೆ ಪ್ರಧಾನಿ ನರೇಂದ್ರ ಮೋದಿ ಸೋಮವಾರ ಇಲ್ಲಿ ಚಾಲನೆ ನೀಡಿದರು. 

ಬಾಂಬೆ ಷೇರು ಮಾರುಕಟ್ಟೆಯ ಅಂಗಸಂಸ್ಥೆ ಇದಾ ಗಿದ್ದು, ಜಗತ್ತಿನ ಇತರ ಷೇರುಮಾರುಕಟ್ಟೆಗಳಿಗೆ ಸರಿಸಾಟಿ ಯಾಗುವಂತೆ ಅತ್ಯಂತ ಅತ್ಯಾಧುನಿಕವಾಗಿದೆ. ದಿನದ 22 ಗಂಟೆ ಇದು ಕಾರ್ಯ ನಿರ್ವಹಿಸಲಿದೆ. ಇದರಿಂದ ವಿದೇಶದ ಮಾರುಕಟ್ಟೆಗಳಲ್ಲಿ ಷೇರು ವ್ಯಾಪಾರ ನಡೆಸಲು ಅನುಕೂಲವಾಗಲಿದೆ. ಈ ಮೊದಲು ಬಾಂಬೆ ಷೇರು ಮಾರುಕಟ್ಟೆಯಲ್ಲಿ ಈ ವ್ಯವಸ್ಥೆ ಇರಲಿಲ್ಲ. 

ಐಎನ್‌ಎಕ್ಸ್‌ ಮೂಲಕ ಈಕ್ವಿಟಿ ವ್ಯವಹಾರ, ಕರೆನ್ಸಿ ವ್ಯವಹಾರ, ಷೇರು ವ್ಯವಹಾರಗಳನ್ನು ನಡೆಸಬಹುದಾಗಿದೆ. ಮುಂದಿನ ದಿನಗಳಲ್ಲಿ ಬಾಂಡ್‌ ಮೇಲಿನ ಹೂಡಿಕೆಗೂ ಇದು ಅನುವು ಮಾಡಿಕೊಡಲಿದೆ.