ರಾಣಿ 2ನೇ ಎಲಿಜಬೆತ್‌ಗೆ ಪೈಲೆಟ್‌ ವಿಶೇಷ ಗೌರವ

ಲಂಡನ್‌: ಇತ್ತೀಚೆಗೆ ಮೃತರಾದ ಬ್ರಿಟನ್‌ ರಾಣಿ 2ನೇ ಎಲಿಜಬೆತ್‌ ಅವರಿಗೆ ಬ್ರಿಟನ್‌ನ ಪೈಲಟ್‌ವೊಬ್ಬರು ವಿಶೇಷವಾಗಿ ಗೌರವ ಸಲ್ಲಿಸಿದ್ದಾರೆ. ಆಗಸದಲ್ಲಿ ಸಣ್ಣ ವಿಮಾನದ ಮೂಲಕ ರಾಣಿಯ ಅತಿ ದೊಡ್ಡ ರೇಖಾ ಚಿತ್ರವನ್ನು ರಚಿಸಿದ್ದಾರೆ.

pilot Amal Larhlid ಲಂಡನ್‌ನ ಆಗಸದಲ್ಲಿ ಒಟ್ಟು 413 ಕಿ.ಮೀ. ಚಲಿಸಿ ರಾಣಿಯ ರೇಖಾಚಿತ್ರವನ್ನು ರಚಿಸಿದ್ದಾರೆ. ಭೂಮಿಯಿಂದ 105ಕಿ.ಮೀ. ಎತ್ತರದಲ್ಲಿ ಒಟ್ಟು 63 ಕಿ.ಮೀ. ಅಗಲದ ಚಿತ್ರ ನಿರ್ಮಾಣವಾಗಿದೆ. ಈ ರೇಖಾಚಿತ್ರ ರಚನೆಗೂ ಮೊದಲು Larhlid ಒಂದು ವಾರದ ಕಾಲ ಅದಕ್ಕೆಂದು ಅಭ್ಯಾಸ ಮಾಡಿದ್ದಾಗಿ ಹೇಳಿಕೊಂಡಿದ್ದಾರೆ.

ರಾಣಿಗೆ ಗೌರವ ಕೊಡುವ ಜತೆಯಲ್ಲಿ ಬ್ರಿಟನ್‌ನ ಸಾಮಾಜಿಕ ಸೇವೆಗಳ ಸಂಘಟನೆಯಾದ ಹಾಸ್ಪೈಸ್‌ ಯು.ಕೆಗೆ ಧನ ಸಹಾಯ ಮಾಡುವ ನಿಟ್ಟಿನಲ್ಲಿ ಈ ಸಾಹಸ ಮಾಡಿದ್ದಾಗಿ ಪೈಲೆಟ್‌ ಹೇಳಿಕೊಂಡಿದ್ದಾರೆ.