ಅಭಿಯಂತರ ದಿನಾಚರಣೆ: ಮೆರವಣಿಗೆ

ಧಾರವಾಡ: ಅಸೋಶಿಯೇಶನ್‌ ಆಫ್‌ ಕನ್ಸಲ್ಟಿಂಗ್‌ ಸಿವಿಲ್‌ ಇಂಜನೀಯರ್ ಹಾಗೂ ಫೋರಂ ಆಫ್‌ ಕನ್ಸಲ್ಟಿಂಗ್‌ ಸಿವಿಲ್‌ ಇಂಜನೀಯರ್ನ ಆಶ್ರಯದಲ್ಲಿ ಸರ್‌.ಎಂ. ವಿಶ್ವೇಶ್ವರಯ್ಯ ಜನ್ಮದಿನದ ಅಂಗವಾಗಿ ಇಂಜನೀಯರ್ ದಿನವನ್ನು ನಗರದಲ್ಲಿ ಶುಕ್ರವಾರ ಆಚರಿಸಲಾಯಿತು. 

ಇಲ್ಲಿನ ಕಡಪಾ ಮೈದಾನದಿಂದ ಆರಂಭವಾದ ಸರ್‌.ಎಂ. ವಿಶ್ವೇಶ್ವರಯ್ಯನವರ ಭಾವಚಿತ್ರ ಮೆರವಣಿಗೆಗೆ ಹಿರಿಯ ಇಂಜನೀಯರ್‌ಗಳಾದ ಬಿ.ವಿ. ಹಿರೇಮಠ ಮತ್ತು ಅಶೋಕ ಗದಗ ಚಾಲನೆ ನೀಡಿದರು. ಈ ಮೆರವಣಿಗೆಯು ನಗರದ ಪ್ರಮುಖ ಮಾರ್ಗಗಳಲ್ಲಿ ಸಂಚರಿಸಿ ನಂತರ ಜಿಲ್ಲಾಧಿಕಾರಿಗಳ ಕಾಂಪೌಂಡ್‌ ಆವರಣದಲ್ಲಿನ ಇನ್ಸಿಟ್ಯೂಟ್‌ ಆಫ್‌ ಇಂಜನೀಯರ್ ಕಟ್ಟಡದಲ್ಲಿನ ಸರ್‌.ಎಂ. ವಿಶ್ವೇಶ್ವರಯ್ಯ ಅವರ ಪ್ರತಿಮೆಗೆ ಮಾಲಾರ್ಪಣೆಗೈದು ಗೌರವ ಸಲ್ಲಿಸಲಾಯಿತು. 

ಅಸೋಶಿಯೇಶನ್‌ ಆಫ್‌ ಕನ್ಸಲ್ಟಿಂಗ್‌ ಸಿವಿಲ್‌ ಇಂಜನೀಯರ್ ಅಧ್ಯಕ್ಷ ವಿ.ಎಫ್‌. ಹಳ್ಳಿಕೇರಿ, ಎಫ್‌ಸಿಸಿಇ ಅಧ್ಯಕ್ಷ ಸುನೀಲ ಬಾಗೇವಾಡಿ, ವಿಜಯೇಂದ್ರ ಪಾಟೀಲ, ನಾಗರಾಜ ತಿಗಡಿ, ಸು ಧೀರ ಪಿ.ಎಸ್‌., ಅರುಣ ಶೀಲವಂತ, ದೀಪಕ ಕುಲಕರ್ಣಿ, ಕಬೀರ ನದಾಫ್‌, ಸತೀಶ ನಾಯ್ಕರ್‌, ಸಂಜಯ ಕಬ್ಬೂರ, ಎ.ಸಿ. ತಹಶೀಲದಾರ, ದೇವರಾಜ ಕಂಬಳಿ, ಶಾಂತವೀರ ಬೆಟಗೇರಿ ಸೇರಿದಂತೆ ಹಲವರು ಮೆರವಣಿಗೆಯಲ್ಲಿ ಪಾಲ್ಗೊಂಡಿದ್ದರು.