ನನಗೂ ಮೀ ಟೂ ಅನುಭವವಾಗಿತ್ತು

ತುಮಕೂರು: ನನಗೂ ಮೀ ಟೂ ಅನುಭವವಾಗಿತ್ತು, ಅದು ನನ್ನ ಅನುಭವಕ್ಕೆ ಬರುವಷ್ಟರಲ್ಲಿ ಸಾಕಷ್ಟು ವರ್ಷಗಳಾಗಿದ್ದವು, ಈ ಬಗ್ಗೆ ನನ್ನ ಆತ್ಮಕಥೆಯಲ್ಲಿಯೂ ಬರೆದಿದ್ದೇನೆ. 

ನನಗೆ ಆದ ಕಹಿ ಅನುಭವ ಬೇರೆ ಯಾರಿಗೂ ಆಗದಿರಲಿ ಎನ್ನುವುದಷ್ಟೇ ನನ್ನ ಉದ್ದೇಶ ಎಂದು ಗುಬ್ಬಿ ವೀರಣ್ಣ ಟ್ರಸ್ಟ್‌ ಅಧ್ಯಕ್ಷೆ, ರಾಜ್ಯಸಭಾ ಮಾಜಿ ಸದಸ್ಯೆ, ಹಿರಿಯ ನಟಿ ಬಿ.ಜಯಶ್ರೀ ತಿಳಿಸಿದರು.

ಗುಬ್ಬಿ ವೀರಣ್ಣ ಟ್ರಸ್ಟ್‌ ವತಿಯಿಂದ ಆರಂಭವಾಗಿರುವ ನೃತ್ಯೋತ್ಸವ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಚಿತ್ರರಂಗದ ಬಗ್ಗೆ ನಾನು ಮಾತನಾಡುವುದಿಲ್ಲ, ನನ್ನದು ರಂಗಭೂಮಿ, ನಾಲ್ಕು ಗೋಡೆಗಳ ಮಧ್ಯೆಯೇ ಎಲ್ಲವೂ ನಡೆಯುತ್ತದೆ, ಅಲ್ಲಿನ ದುಃಖಗಳನ್ನು ಅಲ್ಲಿನ ಸ್ನೇಹಿತರೊಂದಿಗೆ ಹಂಚಿಕೊಳ್ಳುತ್ತೇವೆ ಎಂದರು.