ದ್ವಿಚಕ್ರ ವಾಹನದಲ್ಲಿ ಅಕ್ರಮವಾಗಿ ಮದ್ಯ ಸಾಗಾಟ: ಆರೋಪಿ ಬಂಧನ 

ಯಲ್ಲಾಪುರ: ತಾಲೂಕಿನ  ಅಬಕಾರಿ ಅಧಿಕಾರಿಗಳು  ಮುಂಡಗೋಡ – ಹುಬ್ಬಳ್ಳಿ ರಸ್ತೆಯಲ್ಲಿ ದ್ವಿಚಕ್ರ ವಾಹನದಲ್ಲಿ ಅಕ್ರಮವಾಗಿ  ಸಾಗಿಸುತ್ತಿದ್ದ ಮದ್ಯವನ್ನು  ವಶಪಡಿಸಿಕೊಂಡಿದ್ದಾರೆ.

ಪಟ್ಟಣದಿಂದ 2 ಕಿ.ಮಿ ಅಂತರದಲ್ಲಿ ಹುಬ್ಬಳ್ಳಿ ರಸ್ತೆಯಲ್ಲಿ ವಿಧಾನ ಸಭೆ ಚುನಾವಣೆ ನಿಮಿತ್ತ ರಸ್ತೆ ಕಾವಲಿನಲ್ಲಿರುವಾಗ ಬಾಚಣಿಕಿ ಗ್ರಾಮದ ಪಕೀರಯ್ಯಾ ತಿಪ್ಪಯ್ಯಾ ಹಿರೇಮಠ ಎಂಬಾತ ದ್ವಿಚಕ್ರ ವಾಹನದಲ್ಲಿ ಅಕ್ರಮವಾಗಿ 21.330 ಲೀ ಮದ್ಯ ಸಾಗಾಣಿಕೆ ಮಾಡುತ್ತಿರುವುದನ್ನು ಪತ್ತೆ ಹಚ್ಚಿ ಪ್ರಕರಣ ದಾಖಲಿಸಿ ಆರೋಪಿಯನ್ನು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.

ವಶಪಡಿಸಿಕೊಂಡ ಮದ್ಯ ಮತ್ತು ವಾಹನದ ಮೌಲ್ಯ  78,240 ಎಂದು ಅಂದಾಜಿಸಲಾಗಿದೆ.

ಅಬಕಾರಿ ಉಪ ನಿರೀಕ್ಷಕ ಶಂಕರಗೌಡಾ ಪಾಟೀಲ್ ನೇತೃತ್ವದಲ್ಲಿ ಅಬಕಾರಿ ಅಧಿಕಾರಿಗಳಾದ ಮಂಜುನಾಥ ಜೋಗಳೇಕರ ಸಿಬ್ಬಂದಿಗಳಾದ ದ್ರುವರಾಜ ಬ್ಯಾಹಟ್ಟಿ,ಸಿ.ಪಿ.ರಾಠೋಡ,ಮಹಾಂತೇಶ,ಪ್ರಸನ್ನ  ಇವರು ದಾಳಿ ಯಲ್ಲಿ ಪಾಲ್ಗೊಂಡಿದ್ದರು