Manipal; ಅಕ್ರಮ ಮರಳು: ಸೊತ್ತು ಸಹಿತ ಇಬ್ಬರ ಬಂಧನ

ಮಣಿಪಾಲ: ಮರಳು ಕಳ್ಳತನ ಮಾಡಿ ಅಕ್ರಮವಾಗಿ ಸಾಗಾಟ ಮಾಡುತ್ತಿದ್ದವರನ್ನು ಹಾಗೂ ವಾಹನಗಳನ್ನು ವಶಕ್ಕೆ ಪಡೆಯಲಾಗಿದೆ.

ಹಿರೇಬೆಟ್ಟಿನ ಕಂಬಳಕಟ್ಟದಲ್ಲಿ ಅಕ್ರಮವಾಗಿ ಹೊಳೆಯಿಂದ ಮರಳನ್ನು ಕದ್ದು ಸಾಗಿಸುತ್ತಿದ್ದಾರೆ ಎಂದು ಮಣಿಪಾಲ ಠಾಣೆಗೆ ಲಭಿಸಿದ ಮಾಹಿತಿಯಂತೆ ದಾಳಿ ನಡೆಸಲಾಗಿದೆ.

ಆರೋಪಿಗಳಾದ ಕವನ್‌ (37), ಅಪ್ಪಯ್ಯ ಎಲ್ಲಪ್ಪ ವಾಳದ್‌ (30) ಅವರನ್ನು ವಶಕ್ಕೆ ಪಡೆಯಲಾಗಿದೆ.

ಸ್ಥಳದಲ್ಲಿದ್ದ ಡ್ರೆಜ್ಜಿಂಗ್‌ ಮೆಶಿನ್‌, ಸಣ್ಣ ಬೋಟ್‌, ಕಬ್ಬಿಣದ ಜಾಲಿ, 5 ಹಾರೆಗಳು, 6 ಬುಟ್ಟಿ, 2 ಕಬ್ಬಿಣದ ಮೆಟ್ಟಿಲು ಸ್ಟ್ಯಾಂಡ್‌ಗಳು, ಮರಳು ಶೇಖರಣೆ ಮಾಡುವ ತೊಟ್ಟಿಯಲ್ಲಿದ್ದ ಒಂದು ಯುನಿಟ್‌ ಮರಳು, ಟಿಪ್ಪರ್‌, ಲಾರಿಯಲ್ಲಿದ್ದ 1.5 ಯುನಿಟ್‌ ಮರಳು, ಹಿಟಾಚಿ ಮೆಷಿನ್‌ ಅನ್ನು ವಶಪಡಿಸಿಕೊಳ್ಳಲಾಗಿದೆ.

ವಶಪಡಿಸಿಕೊಂಡು ಸೊತ್ತುಗಳ ಒಟ್ಟು ಮೌಲ್ಯ 15,21,500 ರೂ.ಆಗಿದೆ. ಮಣಿಪಾಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.