ನಶೆ ಬರಿಸುವ ಗಸಗಸೆ ತೊಗಟೆ ಅಕ್ರಮ ಮಾರಾಟ: ಇಬ್ಬರ ಬಂಧನ

ರಬಕವಿ-ಬನಹಟ್ಟಿ : ಸರ್ಕಾರದ ಲೆಸನ್ಸ್ ಅಥವಾ ಅನುಮತಿಯಿಲ್ಲದೆ ಮತ್ತು ನಶೆಗೆ ಬರಿಸುವ ಪಪ್ಪಿ ಸ್ಟ್ರಾ (ಗಸಗಸೆ) ತೊಗಟೆಗಳನ್ನು ಇಟ್ಟುಕೊಂಡು ಸಾರ್ವಜನಿಕರಿಗೆ ಮಾರಾಟ ಮಾಡುತ್ತಿದ್ದ ಇಬ್ಬರನ್ನು ಬಂಧಿಸಿದ ಪ್ರಕರಣ ರಬಕವಿ-ಬನಹಟ್ಟಿ ತಾಲೂಕಿನಲ್ಲಿ ನಡೆದಿದೆ.

ತೇರದಾಳ ಪೊಲೀಸ್ ಠಾಣೆ ವ್ಯಾಪ್ತಿಯ ರಬಕವಿಯ ಉಪ್ಪಾರ ಗಲ್ಲಿಯ ಗುರುದೇವ ಬ್ರಹ್ಮಾನಂದ ಪಟ್ಟಣ ಸಹಕಾರಿ ಬ್ಯಾಂಕ್ ಸಮೀಪವಿರುವ ಮಹಾದೇವ ಹೊಸೂರ ಹಾಗು ಅಲ್ಲಪ್ಪ ಹೊಸೂರ ಎಂಬ ಇಬ್ಬರು ಸಹೋದರರು ಸೇರಿ ಈ ಅಕ್ರಮ ದಂಧೆ ನಡೆಸುತ್ತಿದ್ದರು. ಪೊಲೀಸರಿಗೆ ಖಚಿತ ಮಾಹಿತಿಯನ್ವಯ ಆರೋಪಿತರ ಮನೆ ಶೋಧ ನಡೆಸಿದ ಪೊಲೀಸರಿಗೆ ಅಂದಾಜು 24 ಸಾವಿರ ರೂ.ಗಳ 4.5 ಕೆ.ಜಿ. ತೂಕದಷ್ಟು ಮತ್ತು ಅಂದರೆ ನಶೆ ಬರಿಸುವ ಪಪ್ಪಿ ಸ್ಟ್ರಾ (ಗಸಗಸೆ) ತೊಗಟೆಗಳು ದೊರೆತಿವೆ.

ಈ ಕುರಿತು ತೇರದಾಳ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪಿಎಸ್‌ಐ ಆರ್.ವಾಯ್ ಬೀಳಗಿ ತನಿಖೆ ಮುಂದುವರೆಸಿದ್ದಾರೆ.