ದ್ವಿಚಕ್ರ ವಾಹನದಲ್ಲಿ ಆನೆ ದಂತ, ಜಿಂಕೆ ಕೊಂಬು ಸಾಗಾಟ: ಐವರ ಬಂಧನ

ಮೈಸೂರು: ಆನೆ ದಂತ ಹಾಗೂ ಜಿಂಕೆ ಕೊಂಬುಗಳನ್ನು ದ್ವಿಚಕ್ರವಾಹನಗಳಲ್ಲಿ ಸಾಗಿಸುತ್ತಿದ್ದ ಐವರನ್ನು ಅರಣ್ಯ ಸಂಚಾರ ದಳ ಸಿಬ್ಬಂದಿ ಬಂಧಿಸಿದ್ದಾರೆ.

ಮೈಸೂರಿನ ಗಾಯತ್ರಿಪುರಂ ನಿವಾಸಿ ಅಬ್ದುಲ್ ರಜಾಕ್, ತಿಲಕನಗರ ನಿವಾಸಿ ನಟರಾಜ್, ಅಗ್ರಹಾರ ನಿವಾಸಿ ರವಿಕುಮಾರ್, ಮೇಟಗಳ್ಳಿಯ ಗೌತಮ್ ಹಾಗೂ ಬೆಂಗಳೂರು ಚಂದ್ರ ಲೇಔಟ್ ನ ವಿನೋದ್ ಬಂಧಿತರು.

ಬುಧವಾರ ಸಂಜೆ ಮೈಸೂರಿನ ಅಬ್ದುಲ್ ಕಲಾಂ ನಗರ ಸಮೀಪದ ರಿಂಗ್ ರೋಡ್ ಬಳಿ ಎರಡು ದ್ವಿಚಕ್ರ ವಾಹನಗಳಲ್ಲಿ ಆನೆ ದಂತ ಮತ್ತು ಜಿಂಕೆ ಕೊಂಬು ಸಾಗಾಟ ಮಾಡುತ್ತಿರುವ ಬಗ್ಗೆ ಖಚಿತ ಮಾಹಿತಿ ಆಧರಿಸಿ ದಾಳಿ ನಡೆಸಿದ ಅರಣ್ಯ ಸಂಚಾರದಳ ಸಿಬ್ಬಯ ಐವರನ್ನು ಬಂಧಿಸಿ, ದಂತ, ಜಿಂಕೆ ಕೊಂಬು ಹಾಗೂ ಎರಡು ಸ್ಕೋಟರ್ ಗಳನ್ನು ವಶಪಡಿಸಿಕೊಂಡಿದ್ದಾರೆ.